អង់គ្លេស ៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា ដំណឹងនេះត្រូវបានទទួល ដោយក្តីរីករាយពីសហជីព និងអ្នកតស៊ូមតិថាមពល នុយក្លេអ៊ែរ ប៉ុន្តែអ្នកបរិស្ថាន មិនសប្បាយចិត្ត ហើយក្រុមក្នុងស្រុកមួយ បានប្តេជ្ញាបន្តយុទ្ធនាការ របស់ខ្លួនប្រឆាំង នឹងស្ថានីយ៍ថាមពល ។
រដ្ឋាភិបាលបានផ្តល់ការយល់ព្រម លើការអភិវឌ្ឍន៍សម្រាប់ស្ថានីយ៍ ថាមពលនុយក្លេអ៊ែរ Sizewell C ថ្មីនៅ Suffolk ។ វាត្រូវបានគេសង្ឃឹមថា Sizewell C នឹងផលិតអគ្គិសនីកាបូន ទាប គ្រប់គ្រាន់ដើម្បីផ្គត់ផ្គង់ផ្ទះចំនួន៦លាន ហើយការ វិនិយោគ រាប់លានផោនក្នុងថាមពល នុយក្លេអ៊ែរ នឹងការពារចក្រ ភពអង់គ្លេស ពីតម្លៃថាមពល ដែលប្រែប្រួល ។
លោកស្រី Carly Vince ប្រធានផ្នែករៀបចំផែនការរបស់ Sizewell C បាននិយាយថា លោកស្រីរីករាយជាមួយនឹងព័ត៌មាននេះ ដោយបន្ថែមថា Sizewell C នឹងល្អសម្រាប់តំបន់ ដោយបង្កើតឱកាសរាប់ពាន់ សម្រាប់ប្រជាជនក្នុងតំបន់ និងអាជីវកម្ម។ វានឹងជំរុញជីវចម្រុះក្នុងតំបន់ ហើយបន្សល់ទុកនូវ កេរ្តិ៍ដំណែល Suffolk អាចមានមោទនភាព ។
លោកស្រីសន្យាថា នឹងធ្វើការយ៉ាងជិតស្និទ្ធ ជាមួយអ្នកស្រុក អាជ្ញាធរមូលដ្ឋាន និងក្រុមបរិស្ថាន ដើម្បីធ្វើឲ្យប្រាកដថា យើងកាត់បន្ថយផលប៉ះពាល់ នៃសំណង់ និងបង្កើន ឱកាសដ៏ធំសម្រាប់តំបន់នេះ ។ ប៉ុន្តែអ្នកនាំពាក្យ នៃក្រុមយុទ្ធនាការ Stop Sizewell C បាននិយាយថា ការសម្រេចចិត្តខុសត្រូវ បានធ្វើឡើង ប៉ុន្តែវាមិនមែនជាការបញ្ចប់ នៃយុទ្ធនាការរបស់យើងទេ ។
មិនត្រឹមតែយើងនឹងពិនិត្យមើលយ៉ាងដិត ដល់ក្នុងការប្តឹងឧទ្ធរណ៍ ការសម្រេចចិត្តនេះទេ យើងនឹងបន្តប្រកួតប្រជែងគ្រប់ ផ្នែកទាំងអស់នៃ Sizewell C ពីព្រោះមិនថា វាជាផលប៉ះពាល់លើអ្នកប្រើប្រាស់ ការចំណាយដ៏ធំ និងការពន្យារពេល សំណួរបច្ចេកទេសដែលលេចធ្លោ ឬផលប៉ះពាល់បរិស្ថាន វា នៅតែជាគម្រោងមិនល្អ និងហានិភ័យដ៏អាក្រក់ ៕ដោយ៖លី ភីលីព
