អាល្លឺម៉ង់ ៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា លិខិតចំហមួយដែលបានចុះហត្ថលេខា ដោយមេដឹកនាំជនជាតិជ្វីហ្វចំនួន ៣៤ នាក់ បានពិពណ៌នា អំពីការលក់នាឡិកា មានរូបឥន្ទ្រីឈរពីលើ Nazi និងអក្សរកាត់ AH ថា ជាគួរឲ្យស្អប់ខ្ពើម ។
នាឡិកាដៃដែលគេជឿថា ជារបស់លោក Adolf Hitler អ្នកនយោបាយអាល្លឺម៉ង់ ត្រូវបានលក់ក្នុងតម្លៃ ១.១ លានដុល្លារ នៅការដេញថ្លៃ នៅសហរដ្ឋអាមេរិក។ នាឡិកា Huber មានរូបឥន្ទ្រី Nazi និងអក្សរផ្ចង់ AH ត្រូវបានទិញដោយអ្នកដេញថ្លៃអនាមិក ។ សំបុត្រចំហរមួយបានចុះហត្ថលេខាដោយមេដឹកនាំជនជាតិជ្វីហ្វ ចំនួនធំបានអំពាវនាវដល់ Auction House មានមូលដ្ឋាននៅរដ្ឋ Maryland គឺ Alexander Historical Auctions មិនឲ្យលក់នាឡិកាដៃនោះទេ ។
ប៉ុន្តែ Auction House បានប្រាប់ប្រព័ន្ធផ្សព្វផ្សាយអាល្លឺម៉ង់ថា គោលបំណងរបស់ខ្លួន គឺដើម្បីរក្សាប្រវត្តិសាស្ត្រ ។ ការពិពណ៌នាកាតាឡុក សម្រាប់នាឡិកានិយាយថា វាត្រូវបានផ្តល់ឲ្យមេដឹកនាំណាស៊ី ជាអំណោយខួបកំណើតនៅឆ្នាំ ១៩៣៣ ជាឆ្នាំដែលលោកត្រូវបានតែងតាំង ជាអធិការបតីនៃប្រទេសអាល្លឺម៉ង់ ។
វាបានបន្តថា នាឡិកានេះត្រូវបានរឹបអូសជាការបំផ្លាញ សង្រ្គាមនៅពេលទាហានបារាំង ប្រហែល ៣០ នាក់បានវាយលុកការ ដកថយ Berghof របស់ Hitler នៅលើភ្នំនៃ Bavaria ។ ពេលនោះវាត្រូវបានគេលក់បន្ត និងប្រគល់បន្តតាមជំនាន់ ៕ ដោយ៖លី ភីលីព
