ទីក្រុងម៉ិចស៊ីកូ ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា ឈុតមនុស្សយន្ត ត្រូវបានរចនាឡើង ជាពិសេសសម្រាប់កុមារ និងក្មេងប្រុសអាយុ៨ឆ្នាំ ដែលមានជំងឺ ខួរក្បាលបានដើរ កាត់បន្ទប់ព្យាបាល ក្នុងទីក្រុងម៉ិកស៊ិក ដោយញញឹម ដោយជោគជ័យជាមួយនឹង ភាពអស្ចារ្យនឹកស្មានមិនដល់ ។
ក្មេងប្រុស David Zabala ប្រើរទេះរុញ ដោយសារស្ថានភាពសរសៃប្រសាទ របស់វាធ្វើឲ្យវាថ្លង់ និងពឹងផ្អែកលើភាសាសញ្ញា។ ប៉ុន្តែអរគុណដល់ Atlas 2030 Exoskeleton បានឈ្នះអ្នកបង្កើត របស់ខ្លួននូវពានរង្វាន់ European Inventor Award នៅឆ្នាំនេះ ក្មេងប្រុស David Zabala អាចដើរ និងឈរនៅមុខកញ្ចក់ដែលវាបានគូរមុខញញឹម ដោយប្រើប៊ិចសម្គាល់ពណ៌ ។
ម្តាយរបស់ក្មេងប្រុស ឈ្មោះ Guadalupe Cardoso អាយុ ៤១ ឆ្នាំបាននិយាយថា កូនលោកស្រី កំពុងបោះជំហានដំបូងរបស់វា នោះជាសេចក្តីរីករាយ សម្រាប់កូនលោកស្រី ។ លោកស្រីCardoso បានបន្ថែមថា ដំបូងវាធ្វើឲ្យវាភ័យខ្លាច ហើយដៃ របស់វាតានតឹងខ្លាំង ហើយឥឡូវនេះខ្ញុំឃើញថា កូនកំពុងកាន់ប៊ិចសញ្ញាសម្គាល់រួចហើយ ហើយចាប់ផ្តើមគូរ ឬលេងជាមួយបាល់ ។
លោកស្រីបានអះអាងថា វាធ្វើឲ្យការ ហត់នឿយ ការធ្វើដំណើរជិត២ម៉ោងពីផ្ទះរបស់ពួកគេ នៅភាគខាងត្បូង នៃទីក្រុងម៉ិកស៊ិក ទៅកាន់មជ្ឈមណ្ឌលព្យាបាល ពិតជាមានតម្លៃណាស់។ Exoskeleton ត្រូវបានរចនាឡើង ដោយសាស្ត្រាចារ្យជនជាតិ អេស្ប៉ាញ Elena Garcia Armada ដើម្បីឲ្យកុមារដែលប្រើរទេះរុញអាចដើរ បានក្នុងអំឡុងពេលព្យាបាលសាច់ដុំ ។
នេះបើយោងតាមការិយាល័យ ប៉ាតង់អឺរ៉ុបបាននិយាយថា សន្លាក់មេកានិក នៃឈុតទីតានីញ៉ូមដើរ ដោយថាមពលថ្ម សម្របខ្លួនបានយ៉ាងឆ្លាតវៃ ទៅនឹងចលនារបស់កុមារម្នាក់ៗ បានបង្ហាញ Garcia ជាមួយនឹងពាន រង្វាន់អ្នកបង្កើតអឺរ៉ុប ៕
