អាមេរិក ៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា YouTuber ជនជាតិអាមេរិក បានទម្លាក់អ្នកបង្កើត ជនជាតិ ស៊ុយអែត ចេញពីតំណែងកំពូល ជាលើកដំបូង ក្នុងរយៈពេលជិតមួយ ទសវត្សរ៍ដោយទទួលបាន អ្នកទស្សនា ១១២ លាននាក់ ។
លោក Beast បានវ៉ាដាច់ PewDiePie ក្នុងនាមជា YouTuber មានអ្នកទស្សនាច្រើនជាងគេ ។ លោកPewDiePie ឈ្មោះពិត Felix Kjellberg បានកាន់តំណែងនេះ អស់រយៈពេលជិតមួយទសវត្សរ៍ ហើយបានក្លាយជាតារា ដែលមានអ្នកទស្សនាច្រើន ជាងគេបំផុតនៅលើវេទិកាកាលឆ្នាំ ២០១៣។
ជនជាតិស៊ុយអែត មានឯកទេសខាងវីដេអូ ប្រតិកម្មហ្គេម ដែលធ្វើឲ្យលោកក្លាយជា YouTuber ដំបូងគេ មានអ្នកទស្សនា១០០ លាននាក់ក្នុងឆ្នាំ ២០១៩។ ប៉ុន្តែទីបំផុតលោក Beast បានទម្លាក់លោកចេញពីបល្ល័ង្ក ដោយទទួលបានអតិថិជនទី ១១២ លាននាក់របស់លោកក្នុងខែ នេះដោយធ្វើឲ្យលោកលើសពី ១១១ លាននាក់របស់ PewDiePie ។ តួលេខពិតប្រាកដមិនបង្ហាញ នៅលើគេហទំព័រស្ទ្រីមទេ ។
ជាជាងវីដេអូហ្គេម វីដេអូរបស់ លោក Beast ផ្តោតលើការសប្បុរសធម៌ ដោយឃើញលោកផ្តល់ប្រាក់យ៉ាងច្រើន រង្វាន់ និងធ្វើការងារសប្បុរសធម៌។ វីដេអូរបស់លោកបានឃើញ លោកផ្តល់យន្តហោះឯកជន មួយគ្រឿង បង្កើតកម្មវិធី Netflix show Squid Game ឡើងវិញសម្រាប់រង្វាន់ជាសាច់ប្រាក់ និងផ្តល់ជូនមនុស្សចំនួន ១00,000ដុល្លារ ដើម្បីលាឈប់ពីការងារ ។
លោកក៏ព្យាយាមប្រឈមផងដែរ ដូចជាការកប់ទាំងរស់ ការតាមប្រមាញ់ដោយ FBI និង ការសាងសង់ប៉ម Lego ដ៏ធំបំផុតរបស់ពិភពលោក ។ វីដេអូមួយកាលខែកញ្ញា បានបង្ហាញពីប្រជាប្រិយភាព របស់លោកបានរីករាល ដាលហួសពីពិភពអ៊ីនធើណេត ដល់ជីវិតពិត នៅពេលមនុស្សរាប់ពាន់នាក់ បានចេញទៅផ្សារទំនើបមួយនៅរដ្ឋ New Jersey ដើម្បីមើលលោក បើកភោជនីយដ្ឋានប៊ឺហ្គឺ ៕
