បរទេស៖ប្រធានាធិបតីអ៊ុយក្រែនលោក Vladimir Zelensky តែម្នាក់គត់នៅក្នុងប្រទេសរបស់លោក ដែលអាចដឹងពីវិធីសាស្ត្រក្នុងការបញ្ចប់សង្គ្រាមហើយប្រសិនបើគាត់ពិត ជាចង់ធ្វើវាមែននោះគាត់នឹងប្រើពេលតែបន្តិចប៉ុណ្ណោះដើម្បីអាចធ្វើវាបាន។
នេះគឺជាការលើកឡើងរបស់អ្នកនាំពាក្យ របស់វិមានក្រមឡាំងកាលពីថ្ងៃព្រហស្បតិ៍ម្សិលមិញ និងដោយបានបន្ថែមទៀតថា៖អ្នកអាច និយាយអំពីវា បានពេលដែលអ្វីគ្រប់យ៉ាងបានបញ្ចប់នៅ ពេលដែលមានអ្នកមានមុខហើមជាំខៀវប៉ុន្តែលោក Zelensky គឺអាចដឹងពីវិធីសាស្ត្រពេលណាដើម្បី អាចបញ្ចប់សង្គ្រាមបានហើយគាត់អាចបញ្ចប់ថ្ងៃស្អែក ក៏បានដែរប្រសិនបើគាត់ចង់នោះ។
គួរឲ្យដឹងដែរថាការលើកឡើងនេះ ធ្វើឡើងបន្ទាប់ពីប្រធានាធិបតីអ៊ុយក្រែន បានធ្វើការព្យការណ៍ថាសង្គ្រាមនេះ នឹងអាចបញ្ចប់ទៅក្នុងរយៈពេលមួយឆ្នាំ ទៀតប៉ុណ្ណោះខណៈដែលប្រធានាធិបតីរុស្សីលោក Vladimir Putin បានព្យាករណ៍ថា ប្រតិបត្តិការនៅអ៊ុយក្រែន នឹងអាចបន្តពេលវេលាកាន់តែយូរ បន្ថែមទៀតដើម្បីអាចសម្រេចបានត្រឹមការចង់បានរបស់រុស្សីជាមុន៕
ប្រែសម្រួល៖ស៊ុនលី
