Warsaw៖ យោងតាមអនុរដ្ឋមន្ត្រីការបរទេសប៉ូឡូញ បានឲ្យដឹងថា ប៉ូឡូញបានស្នើសុំអន្តរាគមន៍ ពីអង្គការសហប្រជាជាតិ ជុំវិញសំណងសង្គ្រាមលោកលើកទី២ ជាមួយប្រទេសអាល្លឺម៉ង់ នេះបើយោងតាមការចុះផ្សាយ របស់ទីភ្នាក់ងារ សារព័ត៌មានចិនស៊ិនហួ។
អនុរដ្ឋមន្ត្រីការបរទេសប៉ូឡូញ លោក Arkadiusz Mularczyk បានឲ្យដឹងអំឡុងពេលសង្គ្រាមថា “ប្រព័ន្ធអង្គការសហប្រជាជាតិផ្តល់ឧបករណ៍ សម្រាប់កិច្ចសន្ទនា ក៏ដូចជាសម្រាប់ណែនាំសហគមន៍អន្តរជាតិ អំពីទំហំ នៃការខូចខាតដែលបណ្តាល មកពីការឈ្លានពាន និងការកាន់កាប់ របស់អាល្លឺម៉ង់ ក្នុងអំឡុងសង្គ្រាម ហើយប៉ូឡូញមានបំណងប្រើប្រាស់វា” ។ ក្រោយមកនៅថ្ងៃនោះ លោក Mularczyk បានបង្ហោះរូបថត នៃសំបុត្រផ្ញើទៅកាន់ អគ្គលេខាធិការអង្គការសហប្រជាជាតិ លោក Antonio Guterres ។
នៅថ្ងៃទី០១ ខែកញ្ញា ឆ្នាំ២០២២ រដ្ឋាភិបាលប៉ូឡូញ បានបង្ហាញរបាយការណ៍ ដែលរៀបរាប់លម្អិត អំពីការខាតបង់សម្ភារៈដែលប្រទេសប៉ូឡូញ បានរងទុក្ខក្នុងអំឡុងសង្គ្រាមលោកលើកទី២ រួមជាមួយនឹងការសន្យាទាមទារប្រាក់ពីប្រទេសអាឡឺម៉ង់ ជាសំណងដល់ចំនួន ៦,២ ពាន់ពាន់លាន zloty (១,៤ពាន់ពាន់លានដុល្លារអាមេរិក) ។ នៅថ្ងៃទី០៣ ខែតុលា ឆ្នាំ២០២២ ក្រសួងការបរទេសប៉ូឡូញ បានផ្ញើកំណត់ទូតមួយ ទៅកាន់ប្រទេសអាល្លឺម៉ង់ ទាមទារសំណងសម្រាប់ការខូចខាត ។
កាលពីថ្ងៃអង្គារ ក្រសួងការបរទេសអាល្លឺម៉ង់ បានឆ្លើយតបទៅនឹងកំណត់ចំណាំទាក់ទងនឹងសំណងសង្គ្រាមលោកលើកទី២ ដោយបញ្ជាក់ថា “បញ្ហានៅតែបិទ”។ លោក Mularczyk បានលើកឡើងថា នេះបង្ហាញពី “អាកប្បកិរិយាមិនគោរព” ចំពោះប៉ូឡូញ និងប្រជាជនរបស់ខ្លួន៕
