អាមេរិក៖ របាយការណ៍មួយបាននិយាយថា UFOs មួយត្រូវបានបាញ់ទម្លាក់ កាលពីចុងសប្តាហ៍មុនដោយ កងទ័ពអាកាសសហរដ្ឋអាមេរិក ជាមួយនឹងកាំជ្រួចដែលមានតម្លៃ ៤០០,០០០ដុល្លារ វាគ្រាន់តែជបាល់មួយមានតម្លៃចំនួន ១២ដុល្លារជាកម្មសិទ្ធិរបស់ក្លិប Illinois ប៉ុណ្ណោះយោងតាមការ ចេញផ្សាយពីគេហទំព័រ MSN ។
កងពលតូច Northern Illinois Bottlecap Balloon Brigade បានប្រាប់ Aviation Week ថា ខ្លួនបារម្ភថា ថង់ហ្គាសដែលតាមដាន ដោយឧស្សាហ៍ព្យាយាមរបស់ខ្លួន ដែលទើបនឹងបាត់នោះ ត្រូវបានច្រឡំ ខណៈវត្ថុអាថ៌កំបាំងត្រូវបាន ដកចេញដោយយោធា នៅទូទាំងប្រទេសកាណាដា កាលពីថ្ងៃសៅរ៍។ Pico Balloon ជាវត្ថុរាងស៊ីឡាំងស្រោបដោយប្រាក់ បើតាមបានរាយការណ៍ពី ទីតាំងចុងក្រោយរបស់វានៅចម្ងាយ ៣៨,៩១០ ហ្វីតពីឆ្នេរសមុទ្រភាគខាងលិច នៃរដ្ឋអាឡាស្កាកាលពីថ្ងៃសុក្រ។
គិតត្រឹមថ្ងៃសៅរ៍ ដោយផ្អែកលើផ្លូវដែលបានព្យាកររបស់បាឡុង វានឹងបានឆ្លងកាត់ផ្នែកកណ្តាលនៃដែនដីយូកុន ស្របពេលយោធាប្រើយន្តហោះ Lockheed Martin F-22 បានបាញ់ទម្លាក់វត្ថុមិនស្គាល់ អត្តសញ្ញាណមួយនៃការពិពណ៌នា និងកម្ពស់ស្រដៀងគ្នា ក្នុងតំបន់ជុំវិញប្រទេសកាណាដាដូចគ្នា។
NIBBB ជាក្រុមនៃក្តីស្រលាញ់ បានឧទ្ទិសដល់ការបង្កើត បញ្ចេញ និងតាមដានបាឡុងដែលផលិត នៅផ្ទះបានប្រកាសឧបករណ៍ K9YO របស់ខ្លួនបាត់ក្នុងសកម្មភាពកាលពីថ្ងៃសៅរ៍។ បាឡុង K9YO បានធ្វើដំណើរជុំវិញពិភពលោកចំនួន ៦ ដងក្នុងអំឡុងពេល ១២៣ថ្ងៃ មុនពេលឧបករណ៍តាមដាន របស់វាងងឹតកាលពីថ្ងៃសុក្រ៕
ដោយ៖ លី ភីលីព
