បរទេស៖ យោងតាមការចេញផ្សាយរបស់ RT សមាជិកសភាជាន់ខ្ពស់ក្នុងប្រទេសអ៊ីស្រាអែលម្នាក់បានជំរុញឱ្យយោធាអ៊ុស្រាអែលបែបនេះថា៖ដុតកំទេចបំផ្លាញតំបន់ហ្គាហ្សាចោលទៅនិងមិនអនុញ្ញាតឱ្យមានឥន្ធនៈដឹកជញ្ជូនចូលទៅក្នុងតំបន់ដែលឡោមព័ទ្ធជនប៉ាឡេស្ទីនលុះត្រាតែចំណាប់ខ្មាំងទាំងអស់ដែលត្រូវបានកាន់កាប់ដោយក្រុមហាម៉ាសត្រូវបានដោះលែង។
ការអត្ថាធិប្បាយដែលបានធ្វើឡើងកាលពីថ្ងៃសុក្រដោយលោក Nissim Vaturi អនុប្រធាននៃ Knesset គឺជាសុន្ទរកថាចុងក្រោយបង្អស់របស់អ្នកនយោបាយអ៊ីស្រាអែលអំពីការប្រយុទ្ធដ៏ខ្លាំងក្លាជាមួយក្រុមហាម៉ាស។
លោក Vaturi សមាជិកនៃគណបក្ស Likud របស់នាយករដ្ឋមន្ត្រី Benjamin Netanyahu បានសរសេរនៅលើ X បានថ្លែងថា៖ការខ្វល់ខ្វាយទាំងអស់នេះថាតើមានអ៊ីនធឺណិតឬអត់នៅហ្គាហ្សាបង្ហាញថាយើងមិនបានរៀនអ្វីសោះហើយពួកយើងមានមនុស្សធម៌ពេកហើយ។
លោកសមាជិកសភាបានថ្លែងបែបនេះថា៖ ដុតកំទេចហ្កាហ្សាឥឡូវទៅពីព្រោះថា មិនមានអ្វីគួរឲ្យស្តាយទៀតទេសំខាន់ កុំឲ្យសាំងហូរចូល កុំឲ្យទឹកចូលរហូតទាល់តែចំណាប់ខ្មាំងត្រឡប់មកវិញ៕ ប្រែសម្រួល៖ស៊ុនលី
