អាមេរិក៖ នេះបើយោងតាម Pravda អ៊ុយក្រែនបានរាយការណ៍នៅថ្ងៃទី១ ខែមករាដោយដកស្រង់ប្រភពរបស់ខ្លួនបាននិយាយថា លោក Elon Musk ស្ថាបនិកក្រុមហ៊ុន SpaceX បានបិទការប្រាស្រ័យទាក់ទងជាមួយប្រព័ន្ធផ្កាយរណប Starlink ដែលរារាំងអ៊ុយក្រែនពីការវាយប្រហារដោយយន្តហោះគ្មានមនុស្សបើករបស់កងទ័ពជើងទឹកប្រឆាំងនឹងនាវារុស្ស៊ីកាលខែកញ្ញាឆ្នាំ ២០២២ ។
អ៊ុយក្រែនប៉ុនប៉ងវាយប្រហារនាវារុស្ស៊ីនៅឈូងសមុទ្រ Sevastopol នៅយប់ថ្ងៃទី ១៦-១៧ ខែកញ្ញា ឆ្នាំ ២០២២ ប៉ុន្តែការគ្រប់គ្រងលើយន្តហោះគ្មានមនុស្សបើកតាមរយៈផ្កាយរណប Starlink បានបំបែក ៧០ គីឡូម៉ែត្រពីគោលដៅ។ ហើយយោងតាមប្រភពរបស់ Pravda របស់អ៊ុយក្រែនថា នេះជាផ្នែកមួយនៃប្រតិបត្តិការនេះ ដោយសារតែការសម្រេចចិត្តរបស់លោក Musk ។
ប្រភពបាននិយាយថា លោក Elon Musk បានបិទ Starlinks តាមរយៈការដែលយើងគ្រប់គ្រងយន្តហោះគ្មានមនុស្សបើក” នេះបើយោងតាម Pravda អ៊ុយក្រែន។ ប្រភពមួយផ្សេងទៀតបានអះអាងថាការប៉ុនប៉ងរបស់ឧបនាយករដ្ឋមន្ត្រីលោក Mykhailo Fedorov ក្នុងការបញ្ចុះបញ្ចូលលោក Musk ឲ្យប្តូរទំនាក់ទំនងឡើងវិញបានបរាជ័យ ហើយថា ទីក្រុងវ៉ាស៊ីនតោនក៏មិនអាចដាក់សម្ពាធលើមហាសេដ្ឋីបានដែរ ខណៈ SpaceX ដែលប្រតិបត្តិការ Starlink ជាក្រុមហ៊ុនឯកជន។
នេះបើយោងតាមឧត្តមសេនីយ៍ Brigadier General of the Secret Service of Ukraine (SBU) យោធាប្រឆាំងការស៊ើបការណ៍សម្ងាត់ថា យន្តហោះគ្មានមនុស្សបើកភាគច្រើនបន្ទាប់មកបានលិចក្នុងសមុទ្រ ឬត្រូវបានបំផ្លាញដោយខ្លួនឯងនៅតាមផ្លូវទៅកាន់ឈូងសមុទ្រ ។ យន្តហោះគ្មានមនុស្សបើក២គ្រឿងបានធ្វើដំណើរត្រឡប់ទៅខាងអ៊ុយក្រែនវិញ។
បន្ទាប់ពីការបរាជ័យ អ៊ុយក្រែនបានកែប្រែយន្តហោះគ្មានមនុស្សបើករបស់កងទ័ពជើងទឹករបស់ខ្លួន និងបានអនុវត្តការវាយប្រហារដោយជោគជ័យនៅឈូងសមុទ្រ Sevastopol កាលខែតុលា ឆ្នាំ២០២២ ហើយក៏មានការចោទប្រកាន់ជាច្រើនប្រឆាំងនឹងលោក Musk ពីបទរំខានដល់ប្រតិបត្តិការដោយចេតនា។
ប៉ុន្តែលោកបានបដិសេធការបិទប្រព័ន្ធនៅក្បែរតំបន់គ្រីមេ ដោយនិយាយថា ដំបូងវាមិនមានសកម្មភាពក្នុងតំបន់ទេ ដូច្នេះហើយមិនអាចបើកប្រតិបត្តិការយោធាអ៊ុយក្រែនដោយគ្មានការអនុញ្ញាតពីប្រធានាធិបតីអាមេរិកបានទេ៕ ដោយ៖លីភីលីព
