កុងហ្គោ ៖ តុលាការឧទ្ធរណ៍ សហព័ន្ធ កាលពីថ្ងៃអង្គារបានច្រានចោល បណ្តឹងមួយទៅ លើក្រុមហ៊ុន Apple Google Tesla និងក្រុមហ៊ុនបច្ចេកវិទ្យាធំៗ ផ្សេងទៀត ឲ្យទទួលខុសត្រូវ ចំពោះការចោទប្រកាន់ថា ពួកគេបានប្រើកម្លាំងពលកម្ម កុមារដើម្បីជីកយករ៉ែ Cobalt នៅសាធារណរដ្ឋប្រជាធិបតេយ្យ កុងហ្គោ ។
តុលាការឧទ្ធរណ៍របស់ DC Circuit បាននិយាយក្នុងសេចក្តី សម្រេចជាឯកច្ឆ័ន្ទថា ដើមបណ្តឹងដែលបានប្តឹងនៅឆ្នាំ ២០១៩ មានសិទ្ធិស្របច្បាប់ ត្រូវបានគេស្គាល់ថា ជាជំហរដើម្បីលើករឿងក្តី ពួកគេបានបរាជ័យក្នុងការបំពេញផ្នែកច្បាប់ចាំបាច់ ព្រមទំាងបន្តការទាមទារ របស់ពួកគេប្រឆាំងនឹងក្រុមហ៊ុន ។
ចៅក្រម Neomi Rao បានសរសេរក្នុងសេចក្តីសម្រេច របស់តុលាការថា ការទិញបរិមាណមិនជាក់លាក់នៃ Cobalt តាមរយៈខ្សែសង្វាក់ផ្គត់ផ្គង់ សកលមិនមែនជាការ ចូលរួមក្នុងការ បណ្តាក់ទុនក្នុងអត្ថន័យ នៃច្បាប់ប្រឆាំងការជួញ ដូរសហព័ន្ធនោះទេ។
លោក Rao បានសរសេរថា ដើមបណ្តឹងមិនបានចោទ ប្រកាន់ឲ្យបានគ្រប់គ្រាន់ថា ក្រុមហ៊ុនបច្ចេកវិទ្យាបាន ចូលរួមក្នុងការបណ្តាក់ទុននោះទេ ដោយសារតែមិនមានសហគ្រាសរួមគ្នា រវាងក្រុមហ៊ុននិងអ្នកផ្គត់ផ្គង់ ដែលជួយសម្រួលដល់ ការងារដោយបង្ខំ ។
ក្រុមហ៊ុនបច្ចេកវិទ្យា មិនមានចំណាប់អារម្មណ៍ លើអ្នកផ្គត់ផ្គង់ របស់ពួកគេទេ ។ ក្រុមហ៊ុនបច្ចេកវិទ្យាក៏មិនមាន ចំណែកក្នុងប្រាក់ចំណេញ និងហានិភ័យរបស់អ្នកផ្គត់ផ្គង់ដែរ ប៉ុន្តែ Rao បានកត់សម្គាល់ថា អ្នកផ្គត់ផ្គង់ Cobalt និងក្រុមហ៊ុនបុត្រសម្ព័ន្ធរបស់ពួក គេបានទាមទារយ៉ាងសកម្ម និងបង្ខំកុមារឲ្យធ្វើការ ដើម្បីបំពេញ តម្រូវការកំពុងកើនឡើង របស់ក្រុមហ៊ុនបច្ចេកវិទ្យាសម្រាប់ Cobalt ។
Cobalt គឺជាធាតុផ្សំដ៏សំខាន់ នៃថ្មលីចូម-អ៊ីយ៉ុង ត្រូវបានរកឃើញ នៅស្ទើរតែគ្រប់ឧបករណ៍ អេឡិចត្រូនិចអាចបញ្ចូលថ្ម បានទាំងអស់ ចំណែក ២ភាគ៣នៃCobalt របស់ពិភពលោកគឺមកពីប្រទេសកុងហ្គោ។
ចៅក្រមសហព័ន្ធនៅ DC ធ្លាប់បានដកករណីនេះចេញ ប៉ុន្តែក្រុមដើមបណ្តឹងរួមមានអតីត កម្មករអណ្តូងរ៉ែមិនទាន់គ្រប់អាយុ ដែលរងរបួសក្នុងឧបទ្ទវហេតុជីករ៉ែ Cobalt និងអាណាព្យាបាលកុមារ ត្រូវបានសម្លាប់នៅពេលធ្វើការក្នុងអណ្តូងរ៉ែ cobalt បានងាកទៅតុលាការឧទ្ធរណ៍នៅឆ្នាំ2021 ដើម្បីស្តារបណ្តឹងរបស់ពួកគេ ៕
ដោយ៖លី ភីលីព
