អ្នកវិទ្យាសាស្ត្រ ផ្នែមិនគាំទ្រ អត្ថប្រយោជន៍ នៃព្យាបាលសម្រាប់ការត្រាំ ទឹកត្រជាក់ឡើយ

ហូឡង់ ៖ ការពិនិត្យឡើងវិញ ជាប្រព័ន្ធនៃការសិក្សា វិទ្យាសាស្ត្រលើវិធីសាស្ត្រ លោក Wim Hof នៃការព្យាបាល ដោយទឹកត្រជាក់បានរកឃើញថា គុណភាព នៃការស្រាវជ្រាវមិនគ្រប់គ្រាន់ ដើម្បីគាំទ្រការអះអាងភាគច្រើន អំពីប្រសិទ្ធភាពដោយគ្មានការ ស៊ើបអង្កេតបន្ថែម ។

នេះបើយោងតាមការវិភាគ បានចេញផ្សាយ កាលពីថ្ងៃពុធលើទិនានុប្បវត្តិ PLOS Oneថា Wim Hof ដែលជាអត្តពលិកខ្លាំងរបស់ហូឡង់ និងជាវាគ្មិនលើកទឹកចិត្ត ត្រូវបានគេស្គាល់យ៉ាងច្បាស់ សម្រាប់សមត្ថភាពរបស់លោក ក្នុងការទប់ទល់នឹងភាពត្រជាក់។ វាត្រូវបានកត់សម្គាល់ថា គុណភាពនៃការសិក្សា គឺទាបណាស់ មានន័យថា លទ្ធផលទាំងអស់ត្រូវតែត្រូវបានបកស្រាយដោយប្រុងប្រយ័ត្ន ។

លោក Hof សន្មតថា ជោគជ័យរបស់លោក ចំពោះវិធីសាស្ត្របណ្តុះបណ្តាល របស់លោកផ្តោត លើការប្តេជ្ញាចិត្ត ក្នុងការអនុវត្តការព្យាបាល ដោយទឹកត្រជាក់ ជាមួយនឹងទម្រង់នៃការដកដង្ហើមជាក់លាក់។ ការបណ្តុះបណ្តាលកាត់បន្ថយភាពតានតឹង ធ្វើឲ្យដំណេកប្រសើរឡើង ពង្រឹងប្រព័ន្ធភាពស៊ាំ និងបង្កើនថាមពល ការផ្តោតអារម្មណ៍ និងឆន្ទៈ ។

ខណៈអ្នកស្រាវជ្រាវបានកត់សម្គាល់ថា ការស្រាវជ្រាវមួយចំនួន បានចង្អុលបង្ហាញ អំពីការសន្យានៃឥទ្ធិពលប្រឆាំង នឹងការរលាកពីការរួមបញ្ចូលគ្នា នៃការពន្លិចទឹកត្រជាក់ និងវិធីសាស្ត្រ Wim Hof នៃការដកដង្ហើមចំពោះការស្រាវជ្រាវបន្ថែមទៀត នៃគុណភាពខ្ពស់នឹងត្រូវការជាចាំបាច់ ដើម្បីផ្ទៀងផ្ទាត់ការរកឃើញនោះ ។

អ្នកជំនាញការរស់រានមានជីវិតដោយទឹកត្រជាក់លោក Mike Tipton សាស្ត្រាចារ្យផ្នែកសរីរវិទ្យាមនុស្ស និងអនុវត្តនៅសាកលវិទ្យាល័យ Portsmouth ចក្រភពអង់គ្លេសបាននិយាយថា ដូចបានបង្ហាញឲ្យឃើញ ដោយការពិនិត្យឡើងវិញ វិទ្យាសាស្រ្ត គឺខ្សោយពេក ឬលម្អៀងក្នុងការសន្និដ្ឋាន នូវអ្វីដែលវិធីសាស្ត្រ Wim Hof សម្រេចបាន ។

យោងតាមសាលកិត្តិនាមរបស់ Guinness World Records Hall of Fame លោក Hof ទទួលបានពានរង្វាន់ Guinness World Records ចំនួន ១៨ ជារឿយៗបានបំបែកកំណត់ត្រាផ្ទាល់ខ្លួនរបស់លោក ដើម្បីធ្វើដូច្នេះត្រូវបានគេស្គាល់ថា ជា “The Iceman” Hof បានហែលនៅក្រោមទឹកកករយៈពេល ៦៦ ម៉ែត្រ រត់ពាក់កណ្តាលម៉ារ៉ាតុងដោយជើងទទេរក្នុងព្រិល ហើយឡើងលើភ្នំ Everest ដោយមិនពាក់អាវ៕
ដោយ៖លី ភីលីព