ចិន៖ តារាសម្ដែងជនជាតិអាមេរិកដើមកំណើតចិន នាង Liu Yifei បានធ្វើឲ្យអ្នកចូលរួមទស្សនាការតាំងពិពណ៌គ្រឿងអលង្ការមានការភ្ញាក់ផ្អើលយ៉ាងខ្លាំង ដោយសារនាងស្លៀករ៉ូបដែលតុបតែងដោយផ្កាក្រណាត់ចំនួន ៣,០០០ទង និងខ្សែកមានតម្លៃជាង ១៤លានដុល្លារអាមេរិក ខណៈនាងកំពុងឈរជិតតារាសម្ដែងស្រីនាង Zhao Lusi ។
យោងតាម Sohu បាននិយាយថា នាង Liu បានចូលរួមក្នុងព្រឹត្តិការណ៍ Shanghai កាលពីថ្ងៃទី៦ ខែកញ្ញា ដោយបានជ្រើសរើសរ៉ូបដ៏ស្រស់ស្អាតដោយការចេញម៉ូដរបស់ Tony Ward ធ្វើឲ្យព្រឹត្តិការណ៍នេះមានពន្លឺភ្លឺ និងរីកគ្រប់កន្លែង។
នាង Liu បានបំពាក់គ្រឿងតុបតែងមុខរបស់នាងជាមួយនឹងបំណែកពី Aeterna High Jewelry Collection របស់ Bulgari រួមទាំង ខ្សែកក្បាលសត្វពស់មានតម្លៃ ១០០ លានយ័ន និងខ្សែកត្បូងមរកតរុំដោយសត្វពស់ ។ ក្រុមរបស់នាងបានធ្វើការតុបតែងមុខពណ៌ក្រហមភ្លឺ និងស្ទីលម៉ូដសក់ទន់ភ្លន់។ រូបរាងដ៏គួរឲ្យភ្ញាក់ផ្អើលរបស់នាងបានក្លាយជាប្រធានបទពេញនិយមយ៉ាងឆាប់រហ័សនៅលើ Weibo ដោយមានអ្នកចូលមើលជាង ២០០ លានដង។
នេះបើយោងតាម udn Style បាននិយាយថា ផ្ទុយទៅវិញ នាង Zhao បានជ្រើសរើសរ៉ូបគ្មានខ្នងពី ArdAzAei ដោយការតុបតែងពណ៌ទឹកក្រូច។ នាងបានបំពេញរូបរាងរបស់នាងជាមួយនឹងគ្រឿងអលង្ការ Bulgari ដែលមានត្បូងទឹកពណ៌ខៀវដ៏ស្ងប់ស្ងាត់៕
