នៅក្នុងឆ្នាំ២០២២នេះ ប្រទេសទាំង ២៥នេះក្ដោបក្ដាប់សេដ្ឋកិច្ច សកលសរុប ៨៤% នេះបើតាមទិន្នន័យចុងក្រោយ របស់អង្គការមូលនិធិ រូបិយប័ណ្ណពិភពលោក (IMF)។
យោងតាមប្រភពខាងលើនេះ ពិភពលោកនៅក្នុងឆ្នាំនេះមានផលទុនសរុប ឬ ហៅកាត់ថា GDP សរុប ១០១,៦ទ្រីលានដុល្លារសហរដ្ឋអាមេរិក។ ដោយក្នុងនោះសហរដ្ឋអាមេរិក មានសេដ្ឋកិច្ចលេខ១ ជាមួយនឹង GDP សរុប ២៥ទ្រីលានដុល្លារ ចិនលេខ ២ ជាមួយនឹង GDP ១៨ទ្រីលានដុល្លារ។ បន្តពីនេះគឺ ជប៉ុនលេខ ៣ អាល្លឺម៉ង់លេខ ៤ ហើយឥណ្ឌា វ៉ាដាច់អង់គ្លេសក្លាយជាកំពូល សេដ្ឋកិច្ចធំជាងគេលេខ ៥។ គ្រាន់តែប្រទេសទាំង ៥ នេះកាន់សេដ្ឋកិច្ចសកល ៥១% បាត់ទៅហើយ ។
១ទ្រីលាន = ១,០០០ប៊ីលាន
នៅសល់ ១៥ប្រទេសរួមមានប្រទេសមកពីទ្វីបនានា ក្នុងពិភពលោក ដោយក្នុងនោះមានចាប់ពីអង់គ្លេស រហូតដល់រុស្ស៊ី អូស្ត្រាលី រហូតដល់អារ៉ាប៊ីសាអ៊ូឌីត ចំណែកឯក្នុងតំបន់អាស៊ាន យើងក៏មានប្រទេសឥណ្ឌូនេស៊ីមួយដែរ ប៉ុន្តែគ្មានប្រទេសណាមួយមកទ្វីបអាហ្វ្រិក ស្ថិតក្នុងចំណោមសេដ្ឋកិច្ចកំពូលទាំង ២៥នេះទេ។ ប្រទេសទាំង ២៥នេះហើយ កាន់កាប់សេដ្ឋកិច្ចពិភពលោក ៨៤% ៕
