ព័ត៌មានអន្តរជាតិ
លោក Blinken នឹងបំពេញទស្សនកិច្ចនៅចិន នៅចុងសប្តាហ៍នេះ ចំពេលដែលទំនាក់ទំនងទ្វេភាគី កំពុងតានតឹង
វ៉ាស៊ីនតោន ៖ រដ្ឋមន្ត្រីការបរទេសអាមេរិក លោក Antony Blinken នឹងធ្វើទស្សនកិច្ចនៅទីក្រុងប៉េកាំង នៅចុងសប្តាហ៍នេះ ដើម្បីជួបពិភាក្សាជាមួយមន្ត្រីចិន ខណៈដែលទីក្រុងវ៉ាស៊ីនតោន ព្យាយាមបន្ថយសីតុណ្ហភាព បន្ទាប់ពីភាពតានតឹងកើនឡើងជាច្រើនខែរវាងប្រទេសទាំងពីរ។ នេះនឹងជាដំណើរទស្សនកិច្ចលើកដំបូងទៅកាន់ប្រទេសចិនរបស់រដ្ឋមន្រ្តីការបរទេសកំពូលអាមេរិកចាប់តាំងពីឆ្នាំ២០១៨មក។ ដំណើរទស្សនកិច្ចដែលបានព្រមព្រៀងដោយប្រធានាធិបតីអាមេរិកលោក ចូ បៃដិន និងប្រធានាធិបតីចិនលោក ស៊ី ជីនពីង កាលពីឆ្នាំមុនក្នុងអំឡុងកិច្ចប្រជុំនៅប្រទេសឥណ្ឌូនេស៊ី ត្រូវបានពន្យារពេលភ្លាមៗពីពេលវេលាដំបូងក្នុងខែកុម្ភៈបន្ទាប់ពី ប៉េងប៉ោងចារកម្មចិនដែលសង្ស័យបានហោះឆ្លងកាត់សហរដ្ឋអាមេរិក។...
