ព័ត៌មានអន្តរជាតិ
កូរ៉េខាងជើង អះអាងថា ខ្លួនបានបាញ់សាកល្បងមីស៊ីលផ្លោងប្រភេទថ្មី
សេអ៊ូល៖ កូរ៉េខាងជើងបានឲ្យដឹងថា ខ្លួនបានបាញ់សាកល្បងដោយជោគជ័យនូវមីស៊ីលផ្លោងប្រភេទថ្មី ដែលមានសមត្ថភាពអាចផ្ទុកក្បាលគ្រាប់កម្រិត ៤,៥តោន ហើយបានឲ្យដឹងថា ខ្លួនគ្រោងនឹងធ្វើការសាកល្បងមួយផ្សេងទៀតនៅក្នុងខែនេះ។ ទីភ្នាក់ងារសារព័ត៌មានកណ្តាលកូរ៉េ ដែលគ្រប់គ្រងដោយរដ្ឋរបស់កូរ៉េខាងជើង បានដកស្រង់សម្តីរដ្ឋបាលមីស៊ីលរបស់ប្រទេសនេះ ដោយឲ្យដឹងថា ការសាកល្បងកាលពីថ្ងៃចន្ទ បានស្វែងរកការផ្ទៀងផ្ទាត់ស្ថេរភាពនៃការហោះហើររបស់មីស៊ីល ដែលមានក្បាលគ្រាប់ធំ ដែលក្លែងធ្វើដែលមានរយៈចម្ងាយអតិបរមា ៥០០គីឡូម៉ែត្រ និងចម្ងាយអប្បបរមា ៩០គីឡូម៉ែត្រ របាយការណ៍បានឲ្យដឹងថា មីស៊ីលផ្លោងយុទ្ធសាស្ត្រថ្មី ត្រូវបានគេហៅថា Hwasongpho-11...
