The Mirror នៃចក្រភពអង់គ្លេស ចេញផ្សាយនៅថ្ងៃព្រហស្បតិ៍ទី ១៤ខែវិច្ឆិកានេះ បានឲ្យដឹងថាកីឡាករខ្សែប្រយុទ្ធស្លាបរបស់ ក្លឹបតោខៀវ Chelsea កីឡាករ Willian កំពុងបានក្លាយទៅជាគោលដៅយ៉ាងសំខាន់ សម្រាប់ក្លឹបយក្សពីរគឺ Juventus និង Barcelona ខណៈដែលកុងត្រាចាស់របស់ ខ្លួនមានសុពលភាពត្រឹមចុងរដូវក្តៅឆ្នាំ ក្រោយនេះ។
ទាំងក្លឹបជើងឯកអ៊ីតាលី Juventus និងជើងឯកអេស្បាញ Barcelona បានបន្តធ្វើការទាក់ទងជាមួយនឹងកីឡាករ ប្រេស៊ីលវ័យ៣១ឆ្នាំរូបនេះច្រើនដងមកហើយ ហើយសង្ឃឹមថានឹងអាចទទួល បានហត្ថលេខារបស់គេក្នុងខែមករានេះប៉ុន្តែក្រោយ ការចាកចេញរបស់ Hazard កីឡាកររូបនេះបានក្លាយទៅជាកីឡាករ ដ៏សំខាន់សម្រាប់គ្រូបង្វឹកលោក Frank Lampard។
មិនត្រឹមតែមានឈ្មោះ ជាកីឡាករសំខាន់ក្រោមការដឹកនាំរបស់លោក Lampard នោះទេកីឡាករប្រេស៊ីលបច្ចុប្បន្ន ក៏បានទទួលតំណែងជាប្រធានក្រុម ផងដែរដោយក្នុងនោះប្រកួតដ៏អស្ចារ្យចុងក្រោយជួយឲ្យ Chelsea យកឈ្នះ Crystal Palace ក្នុងលទ្ធផល២ទល់នឹង០ កាលពីថ្ងៃសៅរ៍សប្តាហ៍មុន៕ប្រែសម្រួល:ស៊ុនលី
