លោក Mauricio Pochettino បានបង្ហាញខ្លួនជាលើកដំបូង បន្ទាប់ពីចែកផ្លូវគ្នាជាមួយក្លឹប Tottenham Hotspur កាលពីខែវិច្ឆិកា កន្លងទៅ។
បុរសជនជាតិអាហ្សង់ទីននេះ បានទៅលេងក្លឹបដំបូងក្នុងអាជីពជាកីឡាកររបស់ខ្លួនគឺ ក្លឹប Newell’s Old Boys ដែលស្ថិតក្នុងប្រទេសអាហ្សង់ទីន។ ក្លឹបអាហ្សង់ទីនមួយនេះ បានជូនអាវដែលមានឈ្មោះ Pochettino ទៅកាន់អតីតអ្នកចាត់ការក្លឹប Tottenham Hotspur។
លោកធ្លាប់លេងនៅក្លឹប Newell’s Old Boys អំឡុងឆ្នាំ១៩៨៩ និង ១៩៩៤ ក្នុងតួនាទីជាខ្សែការពារ។ ក្រោយមកលោកបានលេងក្នុងក្លឹបអឺរ៉ុបមួយចំនួនដូចជា Espanyol នៅអេស្ប៉ាញ Paris Saint-Germain និងក្លឹប Bordeaux។
ទាក់ទិននឹងអាជីពជាគ្រូបង្វឹកវិញ លោក Pochettino ត្រូវបានសារព័ត៌មានមួយចំនួនបានភ្ជាប់រូបលោកទៅនឹងបេក្ខភាពគ្រូបង្គោលក្លឹប Arsenal ក្រោយពីលោក Unai Emery ត្រូវបានបណ្ដេញចេញ៕
/5de4c31ac5712_1575273240_medium.jpg)
/5de4c31a88724_1575273240_medium.jpg)
ប្រភព៖ news.sabay.com.kh
