GENEVA៖ អត្តពលិកផ្លូវដែក និងទីលានរបស់ប្រទេសរុស្ស៊ី អាចត្រូវបានហាមឃាត់ មិនឲ្យចូលរួមព្រឹត្តិការណ៍អូឡាំពិករដូវក្តៅ ជាលើកទី ២ បន្ទាប់ពីអង្គភាពអត្តពលកម្ម “AIU”បានផ្តល់អនុសាសន៍ឲ្យដាក់ទណ្ឌកម្ម យ៉ាងធ្ងន់ធ្ងរទៅលើសហព័ន្ធអត្តពលកម្មរុស្ស៊ី យោងតាមការចេញផ្សាយពីគេហទំព័រជប៉ុនធូដេ។
AIUបានបញ្ជាឲ្យសហព័ន្ធជាតិ ទទួលស្គាល់កំហុសរបស់ពួកគេ ក្នុងការប្រព្រឹត្តបទល្មើស និងបង្ហាញភាពមិនចុះសម្រុង ខណៈពេលបញ្ជូនបញ្ហាប្រឆាំង ការប្រើប្រាស់សារធាតុហាមឃាត ក្នុងកីឡាទៅក្រុមប្រឹក្សាអត្តពលកម្មពិភពលោក ដោយមានអនុសាសន៍ថា ការព្យួរដំណើរការនៃអត្តពលិកអព្យាក្រឹត ដែលមានការអនុញ្ញាតនៅតែមាន ។
វាក៏បាននិយាយថា ការពិចារណាគួរតែត្រូវបានផ្តល់ឲ្យ ដើម្បីបណ្តេញសហព័ន្ធរុស្ស៊ីចេញពីស្ថាប័នពិភពលោក។
ស្ថានភាពនេះអាចបណ្តាលឲ្យប្រជាជនរុស្ស៊ី មិនត្រូវបានអនុញ្ញាតិឲ្យចូលរួមប្រកួតប្រជែង ក្នុងនាមជាអព្យាក្រឹតក្នុងវិន័យអត្តពលកម្ម នៅអូឡាំពិកទីក្រុងតូក្យូឆ្នាំ ២០២០ ដែលពួកគេមិនអាចចូលក្រោមទង់ជាតិរបស់ប្រទេសនេះបាន។
អ្នកប្រកួតអត្តពលកម្មរុស្ស៊ីតែម្នាក់ប៉ុណ្ណោះ ត្រូវបានហាមឃាត់មិនឲ្យចូលរួមប្រកួត កីឡាអូឡាំពិកឆ្នាំ ២០១៦ នៅទីក្រុងRio de Janeiro ។ មានតែកីឡាកការិនីម្នាក់Darya Klishina ត្រូវបានអនុញ្ញាតឲ្យចូលរួមប្រកួត ក្នុងព្រឹត្តិការណ៍អូឡាំពិកទីក្រុងរីអូ បន្ទាប់ពីការហាមឃាត់របស់នាង ត្រូវបានកាត់ក្តីដោយតុលាការអាជ្ញាកណ្តាល សម្រាប់កីឡាភ្លាមៗមុនពេលនាងត្រូវប្រកួត។
AIU បានជំរុញឲ្យអត្តពលិកពិភពលោក ពិចារណាបណ្តេញសហព័ន្ធរុស្ស៊ី លើកលែងតែខ្លួនទទួលយកថា មន្រ្តីជាន់ខ្ពស់បានក្លែងបន្លំឯកសារ និងកុហកក្នុងគោលបំណងជួយដល់ ម្ចាស់ជើងឯកលោតកម្ពស់ Danil Lysenko រួចផុតពីបម្រាមហាមឃាត់ ៕ ដោយ៖លី ភីលីព
