មានការលើកឡើងគួរឲ្យចាប់អារម្មណ៍ ពីអតីតកីឡាករក្លឹបរបស់បិសាចក្រហមMan Unitedម្នាក់ គឺលោក Owen Hargreaves ថាកីឡាករខ្សែប្រយុទ្ធវ័យក្មេងJadon Sancho នឹងអាចលើកពានរង្វាន់ Ballon d’Orប្រសិនបើគាត់សម្រេចិត្តផ្ទេរមក Old Trafford។
Hagreaves ជាអតីតកីឡាករខ្សែបម្រើធ្លាប់ មានបទពិសោធយ៉ាងច្រើននៅលីគកំពូលអាល្លឺម៉ង់ Bundesligaជាមួយនឹងក្លឹប Bayern Munichមុនពេលដែលបានផ្ទេរមកលេងឲ្យ Man United។បុរសរូបនេះជឿជាក់ដល់ពេលវេលា ដ៏ត្រឹមត្រូវមួយសម្រាប់Sanchoក្នុងការផ្ទេរមកអង់គ្លេស។
រំលឹកដែរថាជាច្រើនខែមកហើយ ដែរកីឡាករអង់គ្លេសSanchoវ័យ២០ឆ្នាំរូបនេះ មានព័ត៌មានផ្ទេរមកអង់គ្លេសជាមួយនឹងតម្លៃខ្លួនដល់ ទៅ១០០លានផោនប៉ុន្តែមិនមែនតែជាមួយនឹងក្លឹប Man Unitedនោះទេក៏មានក្លឹបChelsea និងក្លឹបចាស់របស់ខ្លួនគឺ Man City ផងដែរ៕
ប្រែសម្រួល៖ស៊ុនលី
