តូក្យូ ៖ ភាពមិនប្រាកដប្រជា នៃការប្រកួតអូឡាំពិក ទីក្រុងតូក្យូ ត្រូវបានពន្យារពេល នៅឆ្នាំក្រោយនោះ តើនឹងមានអ្នកគាំទ្រ ឬពហុកីឡាដ្ឋានទទេ ក្នុងរយៈពេល១៤ខែ ហើយតើអត្តពលិកបុគ្គលិក និងមន្រ្តីបច្ចេកទេស រាប់ពាន់នាក់ នឹងធ្វើដំណើរទៅកន្លែងស្នាក់នៅ និងមានសុវត្ថិភាពយ៉ាងដូចម្តេច? យោងតាមការចេញផ្សាយ ពីគេហទំព័រជប៉ុនធូដេ ។
ហើយទីក្រុងតូក្យូ មិនមែននៅម្នាក់ឯងទេ? ប្រទេសចិន ជាកន្លែងដែលការផ្ទុះមេរោគ COVID-19 ត្រូវបានរកឃើញដំបូងគេ នឹងរៀបចំព្រឹត្តិការណ៍កីឡាធំៗ ចំនួន៣ក្នុងរយៈ ពេលមួយឆ្នាំ បន្ទាប់ពីទីក្រុងតូក្យូគ្រោងនឹងបញ្ចប់ ។ ការប្រកួតកីឡាសាកលវិទ្យាល័យពិភពលោក នៅChengdu ភាគខាងលិចប្រទេសចិន បើក១០ ថ្ងៃ បន្ទាប់ពីការប្រកួតកីឡាតូក្យូ បានបញ្ចប់ ដោយមានអត្តពលិក រហូតដល់ ៨០០០ នាក់ ។
ព្រឹត្តិការណ៍កីឡាអូឡាំពិក រដូវរងានៅទីក្រុងប៉េកាំង នៅថ្ងៃទី៤ ខែកុម្ភៈឆ្នាំ ២០២២ និងព្រឹត្តិការណ៍កីឡាអាស៊ី នៅទីក្រុងហាំងចូវ ចាប់ផ្តើមនៅថ្ងៃទី ១០ ខែកញ្ញា ។ ព្រឹត្តិការណ៍កីឡាអាស៊ី លើកចុងក្រោយនៅឥណ្ឌូណេស៊ី បានទាក់ទាញអត្តពលិក ចំនួន ១១,០០០ នាក់ និងមានកីឡាច្រើន ជាងកីឡាអូឡាំពិក ។
ព្រឹត្តិការណ៍ដ៏ធំទីបួន គឺព្រឹត្តិការណ៍បាល់ទាត់ពិភពលោក ដែលមាន ២៤ ក្រុមនៃព្រឹត្តិការណ៍បាល់ទាត់ នឹងត្រូវបើកនៅក្នុងប្រទេសចិន នៅខែមិថុនាឆ្នាំ ២០២១ ប៉ុន្តែត្រូវបានពន្យារពេល ដោយសារមានទំនាស់កាលវិភាគ ដែលបង្កើតឡើងដោយរោគរាតត្បាត ។
ប្រទេសចិន គឺជាប្រទេសត្រូវចេញ ទៅប្រកួតព្រឹត្តិការណ៍ធំ ៗ ទាំងនេះតាមរយៈជំនាញដែលទទួល បានពីអូឡាំពិកទីក្រុងប៉េកាំងឆ្នាំ ២០០៨ ហើយដោយសារ តែវាស្រូបយកការ ចំណាយយ៉ាងច្រើន ។ វាចំណាយយ៉ាងហោចណាស់ ៤០ ពាន់លានដុល្លារ ដើម្បីរៀបចំព្រឹត្តិការណ៍អូឡាំពិកឆ្នាំ ២០០៨ ហើយគ្មានការជជែកវែកញែក ថ្នាក់ជាតិណាមួយឡើយ ចាប់តាំងពីរដ្ឋផ្តាច់ការហាមឃាត់ ការបោះឆ្នោតឬការធ្វើប្រជាមតិ ៕
ដោយ៖លី ភីលីព
