គ្រូបង្វឹកក្លឹបបិសាចក្រហម Man United លោក Ole Solskjaer នៅថ្ងៃនេះបានធ្វើការលើកឡើងថា កីឡាករខ្សែបម្រើសញ្ជាតិ ស៊ែប Matic ក្នុងវ័យ៣២ឆ្នាំ ខាងមុខនេះ គឺនៅតែបន្តក្តីរីករាយ របស់គាត់ក្នុងការ រួមរស់ជាមួយនឹងក្លឹប។
លោកបានបន្តទៀតថា ទំរង់លេងរបស់កីឡាករ ខ្សែបម្រើរូបនេះ ក៏មិនមានអ្វីធ្លាក់ចុះនោះដែរ ហើយជឿជាក់ថា កីឡាកររូបនេះ គឺកំពុងតែធ្វើការពិចារណា ក្នុងការបន្តកុងត្រាថ្មី នៅ Old Trafford ជាមិនខានហើយក្លឹបក៏បានត្រៀម រួចរាល់ដែរនូវកុងត្រា ទាំងនោះប្រសិនបើកីឡាករចង់បាន។
កុងត្រាបច្ចុប្បន្នក្លឹបបិសាចក្រហម អាចរក្សារូបគាត់បានត្រឹម តែចុងឆ្នាំ២០២១ ប៉ុណ្ណោះ ដែលនេះមានន័យថា គាត់នឹង អាចបន្តលេងនៅទីនេះ រហូតដល់ចុងរដូវកាលក្រោយ ប៉ុន្តែទាំងក្លឹបនិងគ្រូបង្វឹកជឿជាក់ថា កីឡាករនឹងបន្តកុងត្រាថ្មី បន្ថែមពីនេះ៕
ប្រែសម្រួល៖ស៊ុនលី
