បរទេស៖ គ្រូបង្វឹកក្លឹបបិសាចក្រហម Man United លោក Ole Solskjare នៅថ្ងៃនេះបានធ្វើការ អបអរជាមួយនឹងលោក Jurgen Klopp ដែលអាចជួយឲ្យ Liverpool លើកពានរង្វាន់ លីគកំពូលអង់គ្លេស Premier League ជាផ្លូវការសម្រាប់ រដូវកាល២០១៩-២០២០។
ប៉ុន្តែនៅក្នុងនោះផងដែរ បុរសរូបនេះ ក៏បានសារភាពដែរថា លោកពិតជាមានអារម្មណ៍ ឈឺចាប់ផងដែរ នៅពេលដែលឃើញក្លឹបនេះ លើកពានរង្វាន់។ Liverpool ត្រូវបានក្លាយទៅជា ម្ចាស់ជើងឯក អង់គ្លេសជាផ្លូវការ នៅក្រោយពេលដែល Man City ដែលជាក្រូមលេខរៀងទី២ បរាជ័យក្រោមថ្វីដៃ របស់ Chelsea កាលពីយប់មិញ ក្នុងលទ្ធផល២ទល់នឹង១។
លោក Solskjare បានបន្តទៀតថា ការឈឺចាប់ទាំងនោះ នឹងក្លាយទៅជាការ ខិតខំប្រឹងប្រែងបន្ថែមទៀត ហើយលោកអះអាងថា នឹងចាប់ផ្តើមជម្រុញ ក្រុមកីឡាកររបស់ក្លឹបទាំងអស់ឡើងវិញ ដើម្បីការប្រកួតប្រជែង កាន់តែខ្លាំងក្លាជាងមុន៕
ប្រែសម្រួល៖ស៊ុនលី
