យោងតាមការចេញផ្សាយ របស់ Daily Express នៅថ្ងៃនេះបានអះអាងថា ក្លឹបតោខៀវChelsea ក្រោមការដឹកនាំរបស់លោក Frank Lampard ត្រូវបានគេដឹងថា បានចូលរួមក្នុងការប្រជែង យកកីឡាករ Facundo Pellistri ខណៈដែលបច្ចុប្បន្ន Juventus និង Man United ក៏សុទ្ធតែចង់បានដូចគ្នា។
Pellistri ក្នុងវ័យទើបតែ១៨ឆ្នាំបច្ចុប្បន្ន កំពុងលេងឲ្យក្លឹប Penarol ជាក្លឹបអាជីព នៅប្រទេសអ៊ុយរ៉ាហ្គាយ និងក៏ត្រូវបានគេស្គាល់ថា ជាកីឡាករ ដែលត្រូវបានភ្នាក់ងាររបស់ក្លឹបជាច្រើន បាននាំគ្នាមកតាមដាន ច្រើនបំផុតក្នុងតំបន់ ដែលក្នុងនោះមានទាំង Man City, Real Madrid, Napoli, Wolves, Valencia និង AT Madrid ផង។
គួរឲ្យដឹងដែរថា មកដល់បច្ចុប្បន្ន កីឡាករវ័យក្មេងរូបនេះ មានកុងត្រាជាមួយនឹង Penarol ត្រឹមឆ្នាំ២០២២ ហើយបច្ចុប្បន្ន ត្រូវបានគេដឹងថា មានតម្លៃត្រឹមតែ១០លានផោនប៉ុណ្ណោះ ប៉ុន្តែគាត់ត្រូវបានគេ ប្រដូចសមត្ថភាព ទៅនឹងកំពូលកីឡាករអាហ្សង់ទីន Paulo Dybalaផងដែរ៕
ប្រែសម្រួលៈស៊ុនលី
