ការប្រកួតបើករដូវកាល Ligue 1 របស់បារាំង រដូវកាល ២០២០-២១ រវាង Marseille និង Saint-Etienne ដែលគ្រោងធ្វើនៅថ្ងៃសុក្រនេះ ត្រូវបានពន្យារពេល បន្ទាប់ពីមានករណីវិជ្ជមាន កូវីដ១៩ចំនួន ៣ បន្ថែមទៀត ត្រូវបានបញ្ជាក់ថា បានកើតឡើង នៅក្នុងក្លឹបMarseille កាលពីថ្ងៃអង្គារ។
យោងតាមលទ្ធផល ដែលបានប្រកាសដោយ Marseille កាលពីថ្ងៃអង្គារម្សិលមិញ គណៈកម្មាធិការជាតិ នៃការការពារកូវីដ១៩ បានចង្អុលបង្ហាញទៅគណៈកម្មការប្រកួត LFPនិងក្លឹប Marseilleដើម្បីស្នើសុំពន្យារពេល ការប្រកួតតលើកនេះសិន។
ជាលទ្ធផល LFP បានសម្រេចចិត្តពន្យារពេល ការប្រកួតរហូតដល់ថ្ងៃពុធទី ១៦ ឬថ្ងៃព្រហស្បតិ៍ទី ១៧ ខែកញ្ញាឆ្នាំ ២០២០ ។ កាលបរិច្ឆេទនិងពេលវេលា ចុងក្រោយនេះ ត្រូវបានកំណត់ស្របតាមកិច្ចព្រមព្រៀង ជាមួយក្រុមហ៊ុនចាក់ផ្សាយ ការប្រកួតផងដែរ៕
ប្រែសម្រួល៖ស៊ុនលី
