ក្លឹប Manchester United ត្រូវបានគេល្ហិចល្ហៀងកាលពីពេលថ្មីៗនេះថា បានទៅទាក់ទងចរចានឹង លោក Mauricio Pochettino មកធ្វើជាអ្នកចាត់ការក្លឹបមួយនេះ បើយោងតាមការចុះផ្សាយ Manchester Evenning News។
បើតាមប្រភពខាងលើដដែលនេះ បានឲ្យដឹងដែរថា Man Utd មានបំណងចង់ផ្លាស់ប្ដូរលោក Ole Gunnar Solskjaer អ្នកចាត់ការក្លឹបបច្ចុប្បន្ននេះ បន្ទាប់ពីការប្រកួតរបស់ក្លឹបនៅក្នុង Premier League និង UEFA Champions League មិនទទួលបានលទ្ធផលល្អទាល់តែសោះ។
ម្ល៉ោះហើយបានជាក្លឹបខាងលើសម្លឹងរកមើលអ្នកចាត់ការថ្មីគឺលោក Pochettino ដែលបានឃ្លាតឆ្ងាយពីវិស័យបាល់ទាត់ជាង ១ឆ្នាំបន្ទាប់ពីលែងបានធ្វើជាអ្នកចាត់ការឲ្យ Spurs កាលពីឆ្នាំ២០១៩ ។
យ៉ាងណាមិញ អតីតអ្នកចាត់ការ Spurs ខាងលើក៏ធ្លាប់បាននិយាយថា លោកចង់ទៅដឹកនាំក្លឹប Man Utd ផងដែរកាលពីឆ្នាំមុនកន្លងទៅនេះ៕
ប្រភព៖sabay
