Cristiano Ronaldo ត្រូវបានគេចាត់ទុកជាកីឡាករ ជោគជ័យម្នាក់ ក្នុងបាល់ទាត់។ ខ្សែប្រយុទ្ធសញ្ជាតិព័រទុយហ្គាល់មាន ថ្លៃពលកម្ម៥០ម៉ឺនផោនក្នុងមួយសប្ដាហ៍ នៅក្លឹប Juventus។
ជាមួយនឹងភាពល្បីល្បាញ Ronaldo មានកុងត្រាឧបត្ថម្ភជាមួយ ក្រុមហ៊ុនធំៗជាច្រើនដូចជា Nike, Armani, KFC, Herbalife ជាដើម។ ប៉ុន្តែនៅមានរឿង អាថ៌កំបាំងចំនួន២ដែលមិនសូវមានអ្នកដឹង នោះគឺ Ronaldo ធ្លាប់លក់ស្បែកជើងមាស និងពាន Ballon d’Or យកលុយសង់សាលានិងជួយកុមារ។
ក្នុងឆ្នាំ២០១១ កីឡាករវ័យ៣៥ឆ្នាំទទួលបានពានរង្វាន់ ស្បែកជើងមាស (European Golden Boot) បន្ទាប់ពីទាត់បញ្ចូលទី៤០គ្រាប់ក្នុងលីគ ក្រោមការដឹកនាំរបស់លោក Jose Mourinho។ ប៉ុន្តែពេលនោះគេជួយ Real Madrid បានត្រឹមចំណាត់ថ្នាក់លេខ២នៅ La Liga និងធ្លាក់នៅ Champions League វគ្គពាក់កណ្ដាលផ្ដាច់ព្រ័ត្រ។
ដើម្បីផ្ដល់ការគោរពដល់ក្រុម Ronaldo បានលក់ស្បែកជើងមាសនោះក្នុងកម្មវិធីសប្បុរសធម៌មួយ។ តាមរយៈការដេញថ្លៃវាលក់ បាន១,២លានផោន។ ចំពោះទឹកប្រាក់នេះគេបានបង្វែរយកទៅសង់សាលាមួយចំនួន នៅតំបន់មានសង្គ្រាមនៅ Gaza។
ដូចគ្នាដដែលក្នុងឆ្នាំ២០១៧ Ronaldo បានដាក់ពាន Ballon d’Or ដែលទទួលបានក្នុងឆ្នាំ២០១៣ដាក់លក់ដេញថ្លៃក្នុងកម្មវិធីសប្បុរសធម៌ នៅទីក្រុងឡុងដ៏។ ពាននោះលក់បានតម្លៃ៥៣ម៉ឺនផោន ដោយទឹកប្រាក់ទទួលបានយកទៅជួយកុមារ មានលក្ខខណ្ឌគំរាមកំហែងដល់អាយុជីវិត៕
ប្រភព៖sabay
