តាមពិតក្នុងអំឡុងពេលនេះ ក្លឹបយក្សអេស្បាញទាំង Barcelona និង Real Madrid សុទ្ធតែបានបង្ហាញការ ចាប់អារម្មណ៍ចំពោះកីឡាករ Bruno Fernandes នេះបើយោងតាមការ បញ្ជាក់របស់ the Goal។
ប៉ុន្តែបិសាចក្រហម Man UTD ដែលជាអ្នកទទួលបានអត្ថប្រយោជន៍ ជាច្រើនក្រោយ ការមកដល់ របស់កីឡាករ Bruno នោះគឺនឹងមិនអនុញ្ញាតិ ឲ្យគ្រាប់ពេជ្រមួយនេះ ចាកចេញងាយៗឡើយ ហើយកំពុងតែត្រៀមកុងត្រាថ្មី តម្លៃថ្លៃរួចហើយជូនទៅ Bruno ។
កីឡាករវ័យ២៦ឆ្នាំរូបនេះ បានសាងកេរ្ត៍ឈ្មោះភ្លាមៗ ពេលមកដល់ទឹកដី Old Trafford ពីក្លឹប Sporting កាលពីខែមករា ដោយអាចរកគ្រាប់ បាល់បាន២២គ្រាប់ មកហើយនិងបញ្ចូន បាល់បាន១៤គ្រាប់ ក្នុងការបង្ហាញខ្លួនទើបតែ៣៧ដង៕
ប្រែសម្រួល៖ស៊ុនលី
