the Goal នៅថ្ងៃនេះ បានសរសេរថា កីឡាកររបស់ក្លឹប Inter Milan ម្នាក់ដែលជាគោលដៅរបស់កាំភ្លើងធំ Arsenal និងមេឃខៀវ Man City នោះ ត្រូវបានក្លឹបដាក់តម្លៃទាមទាររួចទៅហើយ គឺដល់ទៅ៤០លានអ៊ឺរ៉ូ។
កីឡាករអន្តរជាតិសញ្ជាតិម៉ារ៉ុករូបនេះ ត្រូវបានគេដឹងថាហាក់ដូចជា មិនសូវមានសំណាងល្អឡើយ ចាប់តាំងតែពីបានផ្ទេរមកចូលរួមជាមួយនឹង Inter Milan កាលពីរដូវកាលមុន និងរដូវកាលនេះក្តី។
កីឡាករវ័យ២២ឆ្នាំរូបនេះ ត្រូវបានប្រភពដដែល បញ្ជាក់ទៀតថា ក្លឹបអ៊ីតាលី បានដាក់តម្លៃខ្លួនរបស់គាត់ ដល់ទៅ 40 លានអ៊ឺរ៉ូមែនប៉ុន្តែក្នុងនោះ គេមើលឃើញថា មានតែក្លឹបនៅអង់គ្លេសប៉ុណ្ណោះ ដែលចាប់អារម្មណ៍ខ្លាំងជាងគេ៕
ប្រែសម្រួល៖ស៊ុនលី
