ថ្លែងនៅក្រោយចប់ការប្រកួត យប់មិញទៅលើ ក្រុមមាន់ខ្នាយមាស Spurs ទាំងប្រផិតប្រផោយ ១ទល់នឹង០រួច គ្រូបង្វឹករបស់ក្លឹបតោខៀវ Chelsea លោក Tuchel
បាននិយាយថា គុណសម្បត្តិទាំងនោះ គឺជារបស់កីឡាករ របស់ក្រុមមិនមែនជាអ្វី ដែលលោកបានធ្វើឲ្យមាន ឥទ្ធិពលលើពួកគេឡើយ។
លោក Thomas Tuchel ត្រូវបានគេមើលឃើញថា មិនបាននិយាយលើកសរសើរពីខ្លួនឯងនោះទេ ប៉ុន្តែបែរជាបានព្យាយាមសរសើរ ទៅដល់កូនក្រុមរបស់ខ្លួន ទៅវិញហើយ
ជាពិសេសគឺលោកបានសំដៅ ទៅលើភាពសាមគ្គី នៅក្នុងក្រុមដែលជាកត្តាវិជ្ជមាន ជួយឲ្យក្រុមអាចយកជ័យជំនះ នេះបានបែបនេះ។
គួរឲ្យដឹងដែរថា ៣ប្រកួតដំបូងរបស់ Tuchel បានធ្វើឲ្យ Chelsea ទទួលបាន៧ពិន្ទុ ចេញពីការប្រកួតជ័យជំនះចំនួន២និងងស្មើចំនួនមួយ ហើយកំពុងធ្វើឲ្យ Chelsea
ស្ថិតនៅលេខរៀងទី៦ ក្នុងតារាងមាន៣៦ពិន្ទុតាមពីក្រោយ West Ham ដែលមាន៣៨ពិន្ទុ នៅក្នុងតារាង ៕
ប្រែសម្រួល៖ស៊ុនលី
