អ្នកចាំទីក្លឹប Manchester United កីឡាករ David de Gea បាននិយាយក្រោយប្រកួតស្មើក្លឹប Chelsea ក្នុងលទ្ធផលសូន្យស្មើនៅក្នុងថ្ងៃនេះថា បើក្លឹបគេចង់ឈ្នះពានលីគកំពូលអីហ្នឹង ទាល់តែខំឲ្យខ្លាំងជាងហ្នឹងទៀត។
De Gea បាននិយាយថា៖” ខ្ញុំគិតថាប្រកួតស្មើនឹង Chelsea ក្នុងថ្ងៃនេះវាល្អហើយ តែបើយើងចង់បានល្អជាងហ្នឹង ចង់ឈ្នះពានធម្មតា ពានលីគកំពូលអីហ្នឹង យើងត្រូវតែធ្វើម៉េចឲ្យឈ្នះក្លឹបអញ្ចឹងៗ ត្រូវតែខំឲ្យខ្លាំងទៀត “។
កីឡាករនេះបានបន្តថា៖” និយាយទៅយើងអត់សូវមានឱកាសរកគ្រាប់បាល់ម៉ានទេ ហើយយើងក៏មិនបង្កើតវាដែរ។ យើងបាត់ឱកាសច្រើនដែរនៅក្នុងប្រកួតហ្នឹងយ៉ាងណាយើងលេងទប់បានល្អ។ បើធៀបនឹង Chelsea វិញគេមានឱកាសច្រើនណាស់ តែគេធ្វើអត់បានដែរ “។
គួរបញ្ជាក់ផងដែរថា Man Utd កំពុងស្ថិតក្នុងចំណាត់លេខ២ នៅក្នុងការប្រកួតពាន Premier League ដោយមាន ៥០ពិន្ទុ៕
