កីឡាករខ្ចីជើងពីក្លឹប Benfica ដែលបច្ចុប្បន្នកំពុងលេង ឲ្យមាន់ខ្នាយមាស Spurs កីឡាករ Vinicius គឺមិនសូវទទួល បានការចាប់អារម្មណ៍ឡើយ ពីសំណាក់ក្លឹបអង់គ្លេស មួយនេះ ហើយតម្លៃដែល Benfica ចង់បានដល់ទៅ៣៦លានផោននោះ គឺហាក់ដូចជាមិនអាច ទៅរួចនោះដែរ។
Spurs មិនត្រឹមតែមិនសូវចាប់អារម្មណ៍ ចង់បាននោះទេ ប៉ុន្តែថែមទាំងមិនដាក់ឲ្យកីឡាករ រូបនេះបានលេងច្រើនប្រកួតនោះផងដែរ ដោយសារតែមិនសូវមានទំនុកចិត្ត ចំពោះទំរង់លេង របស់កីឡាករ Carlos Vinicius រូបនេះហើយបានដាក់សំណើ ត្រឹមតែ១៧លានផោនប៉ុណ្ណោះ ប្រសិនបើ Benfica ចង់លក់គាត់ចេញ ។
កីឡាករប្រេស៊ីល រូបនេះ បានផ្ទេរមកចូលរួមជាមួយ នឹងក្លឹបនៅទីក្រុងឡុងមួយនេះ ក្នុងកុងត្រារយៈពេល១រដូវកាលពេញ ប៉ុន្តែមិនសូវបានបង្ហាញខ្លួនឡើយ ក្រៅតែពីការប្រកួត នៅពានរង្វាន់ Europa
League និង FA Cup ប៉ុណ្ណោះ ៕
ប្រែសម្រួល៖ស៊ុនលី
