Moussa Dembele ខ្សែប្រយុទ្ធរបស់ក្លឹប Atletico Madrid បានដួលសន្លប់ហាក់ ដូចជាបាត់បង់ស្មារតី អំឡុងពេលហ្វឹកហាត់ កាលពីថ្ងៃអង្គារម្សិលមិញ។
Dembele ត្រូវបានគេថតបាន កំពុងសម្រួលសរសៃពួរ មុនពេលដួលទៅលើស្មៅ។ មិត្តរួមក្រុមរបស់ Dembele បានស្ទុះរត់ទៅជួយមើលគេ មុនពេលស្រែកហៅក្រុមការងារគ្រូពេទ្យរបស់ក្លឹប Atletico មកជួយមើល។
សមាជិក នៃក្រុមគ្រូពេទ្យ បានចំណាយពេលជាច្រើននាទី ដើម្បីព្យាយាមជួយសង្គ្រោះកីឡាករ ខណៈអ្នកផ្សេងទៀតបានរត់ដើម្បីត្រៀមឡានពេទ្យ។ យ៉ាងណាមិញ កីឡាករវ័យ ២៤បានដឹងខ្លួនវិញ និងអាចដើរចេញ ពីទីលានដោយខ្លួនឯង ។ តាមការពិនិត្យរបស់ពេទ្យ Dembele មិនមានជំងឺធ្ងន់ធ្ងរទេ ការដួលសន្លប់ដោយសារសម្ភាធឈាមចុះទាប ៕sabay
