ក្រុមនាំមុខកំពូល តារាងលីគកំពូល អង់គ្លេស Manchester City បានដាក់ការចាប់អារម្មណ៍ លើកីឡាករសញ្ជាតិ ប្រេស៊ីល វ័យ១៧ឆ្នាំ Kayky និងចង់នាំយកមកអង់គ្លេស ដែលតម្លៃកំណត់ ប្រមាណ២១,៥លានផោន។
Kayky ត្រូវបានបណ្ដុះ ចេញពីយុវជនរបស់ Fluminese ដែលជាក្លឹបធ្លាប់ផលិត បានកីឡាករល្អៗជាច្រើន ដូចជា Marcelo របស់ Real Madrid, Fabinho របស់ Liverpool ក៏ដូចជា Rafael និង Fabio អតីតកីឡាករ United ជាដើម។
Kayky ត្រូវបានគេឲ្យរហស្សនាមជា Neymar ថ្មី ដោយសារស្ទីលលេង របស់ពួកគេទាំងពីរស្រដៀងគ្នា ខុសត្រង់មួយលេងជើងឆ្វេង មួយទៀត លេងជើងស្ដាំ។ Kayky ធ្លាប់ជួយក្រុមឈ្នះពានលីគ អាយុក្រោម១៧ឆ្នាំ កាលពីឆ្នាំមុន និងបានចំណាត់ថ្នាក់លេខ ពីរពាន U17 Copa de Brazil។ សម្រាប់បាល់លីគអាយុក្រោម១៧ Kayky គឺជាអ្នកទាត់បញ្ជូល ទីច្រើនជាងគេ។
គ្រូ U17 របស់ក្លឹប Fluminense លោក Guilherme Torres បាននិយាយថា Kayky ជាកីឡាករម្នាក់គុណភាពបច្ចេកទេសខ្ពស់ ជាពិសេសបាល់មួយស្មើនិងគុណភាពបាល់មុខទី ៕ sabay
