អ្នកចាំទីរបស់ក្លឹបព្រះខ័នរាជស្វាយរៀង Alex You និងអតីតកីឡាការិនីហែលទឹក ជម្រើសជាតិកម្ពុជា ហែមថុន វិទីនី បានចុះសំបុត្រ អាពាហ៍ពិពាហ៍រួចហើយ។ នេះបើតាមការឲ្យដឹងពីអ្នកចាំទី Alex You ផ្ទាល់ ។
អតីតកីឡាករបាល់ទាត់ របស់ក្លឹបភ្នំពេញក្រោន និងកូនកាត់ខ្មែរ-ថៃ កើតនៅបារាំង បាននិយាយថា «ខ្ញុំការហើយហើយ ! រៀបប្រពៃណីខ្មែរ (សែន) រួចហើយ។ ដាក់ឯកសារក្នុងទូតបារាំង កំពុងដំណើរការ ។ ពិធីជប់លៀង ចាំមើលពេលក្រោយ ។ ណាមួយការខាងច្បាប់ វាសំខាន់ជាងបង» ។
បើសួរថា ពេលណាទើបរៀបចំមង្គល់ការ គេមិនអាចបញ្ជាក់ បានតែទំនងចប់កូវីដ នឹងគិតគូ ។ អតីតអ្នកចាំទីរបស់ភ្នំពេញក្រោនខាង នឹង វិទីនី ត្រូវបានគេដឹងថា មានទំនាក់ទំនងស្នេហាយូរដែរហើយ ៕ sabay
