លោក Jurgen Klopp អ្នកចាត់ការក្លឹប Liverpool បាននិយាយប្រាប់សារព័ត៌មាន Sky Sports កាលពីពេលថ្មីៗនេះថា ប្រសិនបើឆ្នាំនេះ ហង្សក្រហមបញ្ចប់ការប្រកួតលីគកំពូលអង់គ្លេស Premier League ត្រឹមចំណាត់ថ្នាក់លេខ ៤ មែន វាពិតជាជោគជ័យដ៏ធំហើយសម្រាប់ក្លឹប។
លោកបានលើកឡើងថា៖ ” ការបញ្ចប់ត្រឹមចំណាត់ថ្នាក់លេខ ៤ ជាជោគជ័យដ៏ធំហើយសម្រាប់ Liverpool។ ខ្ញុំដឹងថាសម្ដីបែបនេះ មិនល្អស្ដាប់ដែរ តែវាជាការពិត ហើយគ្រប់គ្នានៅ Liverpool គេមើលឃើញបែបនេះ ” ។
លោកបានបន្តថា៖ ” យ៉ាងណាមិញ អ្វីៗដែលនឹងកើតឡើង នៅក្នុងឆ្នាំនេះ នឹងពឹងផ្អែកលើ ២ប្រកួតចុងក្រោយនេះហើយ “។
Liverpool នៅក្នុងឆ្នាំនេះធ្លាក់ទម្រង់លេង ពីឆ្នាំទៅមិញ។ ក្លឹបមួយនេះកំពុងតែឈរនៅចំណាត់ថ្នាក់ ៥ ដោយមាន ៦៣ពិន្ទុ ខណៈលេខ ៤ Chelsea មាន ៦៤ពិន្ទុ ហើយLeicester លេខ ៣ មាន ៦៦ពិន្ទុ៕ ប្រភព៖ សប្បាយ
