បន្ទាប់ពីចំណាយពេលដ៏ពិបាកជាមួយ Real Madrid ពេលនេះ Eden Hazard ចង់ចាកចេញពីទឹកដីអេស្ប៉ាញក្នុងរដូវក្ដៅនេះ ត្រឡប់ទៅកាន់ Premier League វិញ។
នុងរយៈពេល២រដូវកាលជាមួយ Madrid ខ្សែបម្រើប្រយុទ្ធសញ្ជាតិប៊ែកហ្សុិកហាក់ធ្លាក់ទម្រង់លេងខ្លាំង ដោយសារតែរបួសញាំញី ធ្វើឲ្យគេមិនសូវបានលេងក្រោមការដឹកនាំរបស់ Zidane។ តាមប្រភពឲ្យដឹងថា Hazard ដឹងខ្លួនឯងមិនទាន់លេងឈានកម្រិតមួយដែលចង់បាននៅ Madrid។
ពេលនេះគេកំពុងរកច្រកចាកចេញ ហើយ Chelsea ជាគោលដៅដែលគេចង់ទៅ។ លទ្ធភាពនៃការមកដល់របស់ Kylian Mbappe កាន់តែធ្វើឲ្យអារម្មណ៍របស់ Hazard តានតឹង ព្រោះវាកាន់តែធ្វើឲ្យគេមិនសូវបានលេងនៅ Madrid។
Hazard វ័យ៣០ឆ្នាំត្រូវបាន Real Madrid ទិញក្នុងតម្លៃ១០០លានអឺរ៉ូកាលពីឆ្នាំ២០១៩ ពីក្លឹប Chelsea។ គេទើបតែលេងបាន៤៣ប្រកួត និងរកបាន៥គ្រាប់គត់ចាប់តាំងពីផ្ទេរមក៕
ប្រភព៖sabay
