ក្រុម PSG ចាប់ផ្ដើមចរចា នាំយកខ្សែប្រយុទ្ធ Cristiano Ronaldo ទៅចូលរួមក្រុមហើយ បន្ទាប់ពីរូបគេ បានបង្ហាញការចង់ចាក ចេញពីក្រុម Juventus ។
កីឡាករវ័យ៣៦ឆ្នាំ បានបើកចិត្តក្នុងការចាកចេញ ពីទឹកដីអ៊ីតាលីហើយ ក្រោយពីរូបគេចំណាយ ពេលជាមួយក្រុម Juventus បានប៉ុន្មានឆ្នាំមកនេះ និងឈ្នះពានរង្វាន់ច្រើនផងដែរ ។ អតីតកីឡាករ Real Madrid រូបនេះ បានបង្ហើបពីគម្រោង នៃការចាកចេញ បន្ទាប់ពីបានដឹកឡានទំនើបៗរបស់ខ្លួនចេញពីក្រុង Turin និងនិយាយថា គ្រប់យ៉ាងដែលរូបគេសន្យានៅ Juventus បានសម្រេចអស់ហើយ។
ពេលនេះក៏ស្រាប់តែមានដំណឹងថា PSG ក្លឹបអ្នកមានបារាំង ចាប់ផ្ដើមចាប់អារម្មណ៍មកលើ Ronaldo ទៅហើយដែរ។ ការចាប់អារម្មណ៍ ចង់បានកីឡាករពោរពេញដោយបទ ពិសោធនេះ ធ្វើឡើងក៏ដោយសារតែពួកគេចង់ឱ្យ Ronaldo ចូលទៅចាប់ដៃគូជាមួយ Neymar និងចង់ចងជើង Kylian Mbappe ទុកបាន១រដូវកាលទៀតផងដែរ៕
