តារាឆ្នើម របស់អង់គ្លេស Jadon Sancho ដែលកន្លងមកតែងតែមាន បំណងចង់ចាក ចេញពីក្លឹប Dortmund នោះពេលនេះត្រូវបាន the Goalអះអាងថាបានឈាន ទៅដល់កិច្ចព្រមព្រៀង លើគ្រប់លក្ខខណ្ឌ ហើយជាមួយ នឹងក្លឹបបិសាចក្រហម Man UTD ដើម្បីអាចផ្ទេរចេញ មកអង់គ្លេស បាននៅរដូវកាល ក្រោយ។
កាលពីរដូវក្តៅមុន ក្លឹបទាំងពីរនេះ Dortmund និង Man UTD បានធ្លាប់មានបញ្ហាតម្លៃខ្លួន របស់កីឡាករម្តងហើយ ដែលបានបង្ខំឲ្យកីឡាករត្រូវបន្តលេងនៅអាល្លឺម៉ង់មួយរដូវកាលទៀត ប៉ុន្តែរដូវក្តៅនេះកីឡាករបានចរចា ជាមួយនឹង Dortmundរួចរាល់ហើយដែរ ក្នុងការចាកចេញ។
នេះមានន័យថា បញ្ហាតម្លៃខ្លួន របស់កីឡាករនឹងក្លាយទៅជាកិច្ចការងារ ចុងក្រោយមួយប៉ុណ្ណោះ ដែលត្រូវពិភាក្សាគ្នា រវាងក្លឹបទាំងពីរខណៈដែល បិសាចក្រហម Man UTD ច្បាស់លាស់ហើយ ដើម្បីដាច់ខាតនាំយកកីឡាករ ខ្សែប្រយុទ្ធម្នាក់មកឲ្យ បាននៅរដូវក្តៅនេះ៕
ប្រែសម្រួល៖ស៊ុនលី
