Manchester United កំពុងពិចារណាធ្វើឲ្យ Paul Pogba ក្លាយជាកីឡាករដែលមានថ្លៃពលកម្មខ្ពស់ជាងគេនៅ Premier League ជាមួយនឹងការផ្ដល់បន្ថែមកុងត្រាថ្មី។
Pogba ពេលនេះបានឈានចូលឆ្នាំចុងក្រោយនៃកុងត្រារបស់គេនៅ Old Trafford ហើយ ដោយបច្ចុប្បន្នគេទទួលបានថ្លៃនឿយហត់៣០ម៉ឺនផោនក្នុងមួយសប្ដាហ៍។ បិសាចក្រហមពេលនេះចង់ចងជើងរបស់គេឲ្យបន្តនៅជាមួយក្លឹបទៅមុខទៀត។
ផ្អែកតាម The Sun ក្លឹប Man Utd គ្រោងផ្ដល់កុងត្រាថ្មីរយៈពេល៥ឆ្នាំជាមួយថ្លៃនឿយហត់៤០ម៉ឺនផោនក្នុងមួយសប្ដាហ៍ ដើម្បីលួងលោមចិត្ត Pogba ឲ្យបន្តនៅទីក្រុង Manchester។ កិច្ចព្រមព្រៀងនេះអាចកើតឡើងឬយ៉ាងណា រងចាំ Pogba ត្រឡប់ទៅវិញ ក្រោយបញ្ចប់ភារកិច្ចជាមួយបារាំងនៅ Euro សិន៕
ប្រភព៖ sabay
