កែវនិងដបទឹកក្រូច ជាច្រើនត្រូវបានគប់មកលើ ទីលានដោយអ្នកគាំទ្រ របស់បារាំង បន្ទាប់ពី Cristiano Ronaldo ទាត់ប៉េណាល់ទី ទម្លុះសំណាញ់បានសម្រេច ។
Ronaldo បានរកគ្រាប់តាមស្មើឲ្យ ព័រទុយហ្គាល់ ក្រោយទាត់ប៉េណាល់ទីគ្រាប់ទី២ បានសម្រេច ជួយក្រុមមានឱកាសឡើង ទៅកាន់វគ្គ១៦ក្រុមចុងក្រោយ ។ អំឡុងពេលទាត់ចូល ហើយរត់ទៅអបអរគ្រាប់បាល់ របស់ខ្លួន អ្នកគាំទ្ររបស់បារាំង បានគប់កែវនិងដបទឹកក្រូច ជាច្រើនមកលើ Ronaldo វិះនឹងត្រូវក្បាលទៅហើយ ។
ក្នុងការប្រកួតនោះ ក៏មានអ្នកគាំទ្រម្នាក់ បានរត់ចូលទីលានសំដៅទៅរក Ronaldo ផងដែរ ។ យ៉ាណា អ្នកគាំទ្ររូបនោះត្រូវបានក្រុម សន្តិសុខចាប់បាននាំចេញពីទីលាន ។ ២គ្រាប់បន្ថែមរបស់ Ronaldo កាលពីយប់មិញ ធ្វើឲ្យគេមាន១០៩គ្រាប់ សម្រាប់ជម្រើសជាតិ។
នេះជាកំណត់ត្រាស្មើជាមួយកីឡាករ Ali Daei របស់អ៊ីរ៉ង់ ហើយក្នុងនាមជាកីឡាកររកបានគ្រាប់បាល់ ច្រើនជាងគេនៅជម្រើសជាតិ។
