Ruud van Nistelrooy និង David Beckham សុទ្ធតែជាកីឡាករលំដាប់ពិភពលោក ហើយពួកគេក៏បានមកទស្សនា ប្រាង្គប្រាសាទខ្មែរ នៅទឹកដីសៀមរាបផងដែរ នាពេលកន្លងមកនេះ។
អំឡុងឆ្នាំ២០១៥កន្លងទៅនេះ អតីតតារាបាល់ទាត់ដ៏ល្បី David Beckham បានបង្កភាពភ្ញាក់ផ្អើល ដល់អ្នកគាំទ្រជាច្រើននៅកម្ពុជា ក្រោយបង្ហោះរូបភាពមួយសន្លឹកនៅប្រាសាទអង្គរវត្ត លើបណ្ដាញសង្គម Instagram យប់មិញនេះ ។ ក្រៅពីរូបភាពខាងលើ បុរសសង្ហាដែលបានឆក់ យកបេះដូងប្រជាជនជាច្រើនក្នុងលោក រួមទាំងនៅកម្ពុជាផងនោះ បានសរសេរសារមួយប្រយោគថា ៖ “Amazing day in Cambodia visiting the Angkor Wat temple…. One of the most beautiful places in the world……” ដែលមានន័យថា “វាជាថ្ងៃដ៏អស្ចារ្យនៅកម្ពុជា ដែលបានមកទស្សនាប្រាសាទអង្គរវត្ត… កន្លែងមួយក្នុងចំណោមកន្លែងស្អាតបំផុតក្នុងលោក” ។
ដោយឡែកនៅឆ្នាំ២០១៨កន្លងទៅវិញ Ruud van Nistelrooy បានទៅដល់ខេត្តសៀមរាប និងដើរមើលប្រាង្គប្រាសាទបុរាណខ្មែរ ។ ដោយសារតែបានទៅដល់កន្លែងប្រាសាទដ៏អស្ចារ្យលើលោកនេះហើយ Rooy បានចាប់ប្លង់ថតរូបមួយសន្លឹក បង្ហោះនៅលើ Instagram ដើម្បីជាការបង្អួតដល់មិត្តខ្លួនដទៃទៀត ដែលមិនបានមកលេងនៅអង្គរវត្ត ។ មិនត្រឹមតែប៉ុណ្ណោះ អតីតខ្សែប្រយុទ្ធឆ្នើមរូបនេះ ក៏បានសរសេរអក្សរអង់គ្លេស អានជាខ្មែរមួយឃ្លាផងដែរថា “Orkun Charon Kamphuchia” ។
ដូច្នេះមានន័យថាតារាល្បីៗទូទាំងពិភពលោកសុទ្ធតែទទួលស្គាល់ និងមកទស្សនាផ្ទាល់តែម្ដងប្រាសាទអង្គរវត្តរបស់កម្ពុជា ដែលមានទីតាំងនៅខេត្តសៀមរាប ៕sabay
