តូក្យូ៖ប្រធានគណៈកម្មាធិការអូឡាំពិកអន្តរជាតិ Thomas Bach បានទៅដល់ទីក្រុងតូក្យូកាលពីថ្ងៃព្រហស្បតិ៍ដើម្បីចូលរួមព្រឹត្តិការណ៍កីឡាអូឡាំពិក ខណៈរដ្ឋធានីរបស់ប្រទេសជប៉ុន មានការកើនឡើងនូវការឆ្លងវីរុស និងការកើនឡើង នៃលទ្ធភាពនឹងមិនមានអ្នកទស្សនា ឈរជើងនៅពេលការប្រកួតចាប់ផ្តើម ក្នុងរយៈពេលតែ២សប្តាហ៍ យោងតាមការចេញផ្សាយពីគេហទំព័រជប៉ុនធូដេ។
ប្រធាន IOC បានមកដល់អាកាសយានដ្ឋាន Haneda នៅទីក្រុងតូក្យូមួយថ្ងៃបន្ទាប់ពីរដ្ឋាភិបាលជប៉ុន បានសម្រេចចិត្តដាក់រដ្ឋធានី នៅក្រោមភាពអាសន្នមួយទៀតរហូតដល់ថ្ងៃទី ២២ ខែសីហាចំពេលមានក្តីបារម្ភកាន់តែខ្លាំងថា អូឡាំពិកអាចបង្កការឆ្លងបន្ថែមទៀត។ ជាមួយនឹងការសម្រេចចិត្ត ត្រូវបានអនុម័តជាផ្លូវការដោយរដ្ឋាភិបាល នៅពេលក្រោយអ្នករៀបចំ ជនជាតិជប៉ុនកំពុងតែឆ្ពោះទៅរក ការប្រកួតដោយគ្មានអ្នកទស្សនា នៅតាមទីប្រជុំជនក្នុងនិងជុំវិញទីក្រុងតូក្យូ។
លោក Bach ត្រូវបានគេរំពឹងថា នឹងរៀបចំការប្រជុំជាមួយអ្នកតំណាងជនជាតិជប៉ុន រួមមានលោក Seiko Hashimoto ជាប្រធានគណៈកម្មាធិការរៀបចំការប្រកួត និងលោកស្រ្តីអភិបាលក្រុងតូក្យូ Yuriko Koike នៅព្រឹកព្រលឹមដើម្បីសម្រេច លើគោលនយោបាយថ្មីមួយ។
ដោយមានការរារាំង អ្នកទស្សនាពីក្រៅប្រទេសរួចហើយ នៅក្នុងខែមីនាអ្នករៀបចំ កម្មវិធីបានសម្រេចកាលពីចុងខែមុន ដើម្បីអនុញ្ញាតឲ្យអ្នកគាំទ្រក្នុងស្រុករហូតដល់ទៅ ១០.០០០ នាក់ ក្នុងមួយកន្លែងកំឡុងពេលកីឡាអូឡាំពិក ដោយផ្អែកលើការសន្មតថា ស្ថានភាពជំងឺឆ្លងនៅក្នុងទីក្រុងមានភាពប្រសើរឡើង។
ទោះយ៉ាងណាទីក្រុងតូក្យូកាលពីថ្ងៃព្រហស្បតិ៍ បានរាយការណ៍អំពីការឆ្លងថ្មីចំនួន ៨៩៦ នាក់ ខណៈអ្នកជំនាញផ្នែកវេជ្ជសាស្រ្ត នៅតែបន្តព្រមានពីគ្រោះថ្នាក់នៃការបន្តទៅមុខទៀតនៅពេល ប្រទេសជាច្រើនកំពុងដោះស្រាយ ជាមួយនឹងការរីករាលដាលយ៉ាងឆាប់រហ័ស នៃ Delta មានការរីករាលដាលយ៉ាងខ្លាំងនៃវីរុស៕ ដោយ៖លី ភីលីព
