ខ្សែបម្រើប្រយុទ្ធរបស់ Manchester United កីឡាករ Marcus Rashford ប្រហែលជាមិនអាចលេងរហូតដល់ បញ្ចប់ខែតុលា បន្ទាប់ពីគេបានប្រាប់ថាត្រូវវះកាត់បញ្ហារបួសស្មា។
កីឡាករវ័យ២៣ឆ្នាំត្រូវបានរារាំងដោយបញ្ហានេះរហូតដល់បញ្ចប់រដូវកាលជាមួយបិសាចក្រហម ទើបដល់ពេលនេះបានសម្រេចចិត្តវះកាត់។ Rashford បានស្កេនពិនិត្យកាលពីថ្ងៃអង្គារ ហើយត្រូវបានមើលឃើញថាមានការបញ្ហាធ្ងង់ធ្ងរដែលធ្វើឲ្យគេត្រូវវះកាត់ជាបន្ទាន់។
ការវះកាត់អាចនឹងធ្វើឡើងក្រោយពីបញ្ចប់ខែកក្កដានេះ ដោយ Rashford ត្រូវគេរំពឹងថានឹងត្រូវសម្រាករយៈពេល១២សប្ដាហ៍ឯណោះ។ កីឡាករសញ្ជាតិអង់គ្លេសរកបាន១១គ្រាប់ ក្នុងការបង្ហាញខ្លួន៣៧ប្រកួតនៅ Premier League កាលពីរដូវកាលមុន។ ប៉ុន្តែគេទើបខកចិត្តនៅ Euro ថែមទាំងត្រូវអ្នកគាំទ្ររើសអើងពូជាសាសន៍ទៀត៕
ប្រភព៖http://sabay
