ក្លឹប Atletico Madrid បានបង្ហាញការ ចាប់អារម្មណ៍លើខ្សែប្រយុទ្ធ Jese Lingard ដែរ ប្រសិនបើក្រុមបិសាចក្រហម ចង់លក់រូបគេចេញនារដូវកាលដោះដូរកីឡាករនេះ ។
ខ្សែប្រយុទ្ធវ័យ២៨ឆ្នាំខាងលើ បានត្រលប់មកហ្វឹកហាត់ ជាមួយក្រុមបិសាចក្រហម Manchester United វិញហើយ ប៉ុន្តែក៏មិនទាន់ច្បាស់ ពីអនាគតរបស់គេដែរ។ កាលពីរដូវកាលមុន កីឡាករអង់គ្លេសរូបនេះត្រូវបានក្រុម West Ham ខ្ចីជើង ហើយរូបគេលេងក្រោមការដឹកនាំរបស់លោក David Moyes ពិតជាធ្វើបានល្អមែនទែន។ West Ham បានស្នើទិញ រូបគេដាច់ដែរ ប៉ុន្តែដាក់តម្លៃទាបពេក ក្រុម Man Utd មិនទាន់លក់ឱ្យទេ។
ខណៈដែលពេលនេះក៏ ស្រាប់តែមានដំណឹងថា AT Madrid ម្ចាស់ជើងឯក La Liga រដូវកាលមុននោះក៏បានបង្ហាញ ការចាប់អារម្មណ៍ផងដែរ។ ពួកគេកំពុងស្វែងរកខ្សែ ប្រយុទ្ធបន្ថែម ហើយប្រសិនបើ Man Utd ចង់លក់ចេញមែន នោះពួកគេនឹងដាក់ស្នើតម្លៃតែម្ដង ។ តម្លៃខ្លួនរបស់គេ ត្រូវបានគេដឹងថា២៥លានផោន ៕ sabay
