Cristiano Ronaldo អាចនឹងត្រូវរងចាំរហូតដល់ថ្ងៃអង្គារ សប្ដាហ៍ក្រោយ សម្រាប់ការបង្ហាញខ្លួន ប្រកួតជាលើកដំបូង ឲ្យ Manchester United។
កីឡាករវ័យ៣៦ឆ្នាំគ្រោងនឹងចូលហ្វឹកហាត់ ជាមួយបិសាចក្រហម នៅសប្ដាហ៍នេះ ជាលើកដំបូង ចាប់តាំងផ្ទេរពី Juventus ក្រោយធ្វើចត្តាឡីស័ក ចំនួន៥ថ្ងៃ។ ប៉ុន្តែបើតាមប្រភព The Sun រាយការណ៍ថា Ronaldo នឹងមានពេលវេលាតិចតួច ក្នុងការរៀបចំខ្លួន ប្រកួតក្នុងលីគទល់នឹង Newcastle នៅចុងសប្ដាហ៍នេះ។
Ronaldo ត្រូវបានគេរំពឹងថា នឹងត្រូវលោក Ole Gunnar Solskjaer ដាក់ឲ្យអង្គុយកៅអីបម្រុងសិន ក្នុងការប្រកួតជាមួយ Newcastle។ យ៉ាងណា កីឡាករវ័យ៣៦ឆ្នាំ អាចនឹងជាប់ជាជម្រើសដំបូង ជួយ United លេងនៅ Champions League ទល់នឹង Young Boys នៅថ្ងៃអង្គារសប្ដាហ៍ក្រោយ។
Ronalod បានធ្វើឲ្យពិភពលោកភ្ញាក់ផ្អើល ក្រោយត្រឡប់មកកាន់ Man United វិញ ក្នុងតម្លៃខ្លួន ១៩,៨លានផោនផ្លាស់ពី Juventus៕ ប្រភព៖ សប្បាយ
