The goal នៅថ្ងៃនេះបានចេញផ្សាយថា គ្រូបង្វឹករបស់ក្លឹបហង្សក្រហម Liverpool លោក Jurgen Klopp បានបង្ហាញពីផែនការ របស់លោកហើយ ក្នុងការបន្ថែមកីឡាករ ខ្សែប្រយុទ្ធ ឆ្នើមម្នាក់នារដូវក្តៅក្រោយ។
គ្រូបង្វឹករូបនេះត្រូវបានគេដឹងថា បានដាក់ផែនការដើម្បីនាំយកកីឡាករឆ្នើម របស់ Bayern Munich កីឡាករ Robert Lewandowski មកកាន់ទឹកដី Anfield ដើម្បីអាចធ្វើការងារ ជាមួយគ្នាសាជាថ្មីបន្ទាប់ពី ពួកគេធ្លាប់បានធ្វើការជាមួយគ្នា យ៉ាងជិតស្ទិទ្ធកាលពីពេលលេងនៅ Dortmund។
លោក Klopp ដឹងយ៉ាងច្បាស់ពីអត្តចារិតនិងគុណភាព លេងរបស់ Lewandowski ហើយក៏ជាពេលវេលា ដែលកីឡាកររូបនេះបានបង្កើតទំរង់លេងយ៉ាងខ្លាំងបំផុតផងដែរពេលបានធ្វើការជាមួយនឹង លោក Klopp កាលពីគ្រានោះ។
គួរឲ្យដឹងដែរថា មកដល់ពេលនេះ គ្រូបង្វឹកជនជាតិអាល្លឺម៉ង់រូបនេះបានធ្វើការបញ្ជាក់ប្រាប់ច្បាស់ ទៅកាន់ក្លឹបរបស់លោក ហើយថាបំណងសំខាន់ របស់គាត់នៅរដូវក្តៅក្រោយ គឺកីឡាករប៉ូឡូញរូបនេះមកកាន់ ទឹកដី Anfield ទោះបីជាគាត់មានវ័យ ជ្រេបន្តិចក្តី៕
ប្រែសម្រួល៖ស៊ុនលី
