អ្នកគាំទ្ររបស់ Manchester United បានបង្ហាញការ មិនពេញចិត្ត ចំពោះលោកអាជ្ញាកណ្ដាល Martin Atkinson ដែលមិនផ្ដល់បាល់ ប៉េណាល់ទីដល់ទៅ២បាល់ អំឡុងការប្រកួត ទល់នឹង West Ham។
ខ្សែការពាររបស់ West Ham បានបង្កកំហុសដល់ទៅ២ដងលើ Cristiano Ronaldo ក្នុងប្រអប់គ្រោះថ្នាក់ ប៉ុន្តែអាជ្ញាកណ្ដាល មិនបានអើពើអ្វីឡើយ។ កំហុសលើកទីមួយខ្សែការពារ Vladimir Coufal បានប៉ះ Ronaldo នៅទី៧៧ ខណៈកំហុសទីពីរ Kurt Zouman ជាអ្នកបង្កើតឡើង។
អ្នកគាំទ្ររបស់បិសាចក្រហម បានបង្ហាញការមិនសប្បាយចិត្ត លើលោកអាជ្ញាកណ្ដាល Atkinson ដែលមិនផ្ដល់បាល់១១ម៉ែត្រ ឲ្យក្រុមរបស់ពួកគេ។ លើបណ្ដាញសង្គមអ្នកគាំទ្រម្នាក់ បានសរសេរថា Ronaldo ត្រូវបានប្លន់ប៉េណាល់ទី២ បាល់កាលពីមិញ តែយ៉ាងណាគេអាចរកបាន ៤គ្រាប់ក្នុងការបង្ហាញខ្លួន៣លើកឲ្យ United ។
ឯម្នាក់ទៀតបានសរសេរ កំហុស២ដង របស់ Zouma លើ Ronaldo ប៉ុន្តែអាជ្ញាកណ្ដាលមិនឲ្យ ។ ត្បិតតែមិនបាល់ប៉េណាល់ ទៅក្ដី តែ Man United នៅតែអាចយកឈ្នះលើ West Ham ២-១ រកបានដោយ Ronaldo ១គ្រាប់ និង Jesse Lingard ជាអ្នក ទាត់ចូលគ្រាប់ជ័យជម្នះ៕
