ក្រុមដាណឺម៉ាក ទទួលបានកៅអីឡើង លេងពានរង្វាន់ FIFA World Cup 2022 នៅប្រទេសកាតាហើយ បន្ទាប់ពីពួកកេឈ្នះក្រុមអូទ្រីស ក្នុងលទ្ធផល ១-០ ទៀតនៅយប់មិញនេះ។
ដាណឺម៉ាក លេងវគ្គជម្រុះ World Cup នៅតំបន់អឺរ៉ុបនេះ ជាកំណត់ត្រាល្អខ្លាំងមែនទែន។ ពួកគេលេង៨ប្រកួត ក្នុងពូលកន្លងមក ឈ្នះទាំង៨ប្រកួតតែម្ដង។ អ្វីដែលកាន់តែពិសេសថែមទៀតនោះ ក្រុមនេះឈ្នះទាំង៨ប្រកួត និងគ្មានក្រុមណាមួយអាចស៊ុតពួកគេចូលនោះទេ ពោលគឺរក្សាសំណាញ់ទីបានល្អណាស់។ ក្រុមមួយនេះដែរ ក៏បានបង្ហាញភាពខ្លាំងរបស់ខ្លួន កាលពីលេង Euro 2020 កន្លងទៅរូចហើយដែរ ដោយកាលនោះពួកគេឡើង ដល់វគ្គពាក់កណ្ដាលផ្ដាច់ព្រ័ត្រ។
រំលឹកថាការឈ្នះ ៨ប្រកួតជាប់គ្នានេះដែរ បានធ្វើឱ្យដាណឺម៉ាកមាន២៤ពិន្ទុ ឈរនៅលេខ១ពូល F និងដាច់ក្រុមលេខ២ ស្កុតឡែន៧ពិន្ទុ។ ការប្រកួតក្នុងពូលនេះ នៅសល់២ប្រកួតទៀត ទើបចប់សព្វគ្រប់៕ Source: Sabay
