Conor McGregor កំពូលកីឡាករ MMA កំពុងចំណាយពេលវិស្សមកាល កម្សាន្តជាមួយគូដណ្ដឹង របស់ខ្លួនកញ្ញា Dee Devlin នៅទីក្រុង Rome ប្រទេសអ៊ីតាលី ។
កាលពីថ្ងៃពុធ ម្សិលមិញពួកគេទាំងពីរ ត្រូវបានគេប្រទះឃើញដើរលេង នៅតាមផ្លូវនៅទីក្រុង Rome មួយនេះ ដោយអមដោយអង្គរក្ស៤នាក់ និងអ្នកកាន់កែវស្រាឲ្យ Conor ១នាក់ ។
អង្គរក្ស និងអ្នកកាន់កែវស្រាសុទ្ធ តែពាក់អាវធំ ក្រវាត់ក រីឯ Conor និងដៃគូរបស់ខ្លួនពាក់អាវយឺត និងខោខូវបយសាមញ្ញធម្មតា ដែលធ្វើឲ្យអ្នកគាំទ្រជាច្រើនបានចោមរោមថតពួកគេ ។
សកម្មភាពទាំងនេះហាក់បីធ្វើឲ្យ Conor សប្បាយចិត្តយ៉ាងខ្លាំង ដែលធ្វើឲ្យកំពូលកីឡាករនេះ បានបង្ហោះវីដេអូពី សកម្មភាពអ្នកគាំទ្រ ចោមរោមថតនេះនៅលើបណ្ដាញសង្គម Instagram របស់ខ្លួន ដោយថែមទាំងបានសរសេរបែបពេញ ចិត្តនឹងការកម្សាន្តនៅទីក្រុង Rome ប្រទេសអ៊ីតាលី៕
