កីឡាករវ័យក្មេង William Saliba ត្រូវបាន Telefoot ចេញផ្សាយថានឹងមិនសម្រេចចិត្តក្នុងការវិលត្រឡប់ទៅកាន់ក្លឹបចាស់ Arsenal វិញក្នុងពេលឆាប់ៗពេកនោះទេ ក្រោយពេលកំពុងស្នាក់ អាស្រ័យជាកីឡាករខ្ចីជើង ជាមួយនឹងក្លឹបបារាំង Marseille។
តាមកុងត្រាខ្ចីជើងកីឡាករ វ័យ២០ឆ្នាំរូបនេះ នឹងត្រូវបំពេញភារកិច្ចពេញមួយ រដូវកាលថ្មី២០២១-២០២២ ជាមួយនឹងកីឡាដ្ឋាន Stade Velodrome របស់ Marseille ប៉ុន្តែមួយរយៈ ចុងក្រោយនេះបែរ មានលេចឬដំណឹងថា Arsenal នឹងអាចហៅគាត់ ឲ្យត្រឡប់ទៅជួយក្លឹបវិញ ក្នុងខែមករាខាងមុខនេះ។
គួរឲ្យដឹងដែរថា ចាប់តាំងពីបានផ្ទេរមកចូលរួមជា មួយនឹង Marseille កន្លងមក Saliba បានបង្ហាញទំរង់ ដ៏ល្អប៉ុន្តែទោះបីជាមានព័ត៌មាន អំពីការវិលត្រឡប់ទៅ លីគកំពូលអង់គ្លេសក្តី ប៉ុន្តែជឿជាក់ថាគាត់នឹង បន្តលេងនៅបារាំង យ៉ាងហោចណាស់ ដល់រដូវក្តៅក្រោយដែរ៕
ប្រែសម្រួល៖ស៊ុនលី
